Eya go dikagare

Eya go menyu wa bobedi

Eya go lelokelelo la dikagare

Dihlatse tša Jehofa

Sepedi

PHAFOGA! JANUARY 2015

 TABA YA LETLAKALA LA KA NTLE | BOPHELO BO THOMILE BJANG?

Karabo Yeo e Swanetšwego go Elwa Hloko

Karabo Yeo e Swanetšwego go Elwa Hloko

KA MORAGO ga go hlahloba bohlatse, batho ba bantši ba phethile ka gore bophelo bo tšwa mothong yo a phagamego kudu yo bohlale. Ela hloko mohlala wa Antony Flew, e lego moprofesara wa filosofi, yoo ka nako e nngwe e kilego ya ba moemedi wa boilamodimo. Flew o ile a fetola pono ya gagwe ka morago ga go ithuta ka go raragana mo go makatšago ga bophelo gotee le melao ya tlhago ya legohle. Ge a tsopola dikgopolo tša boradifilosofi ba bogologolo, o ngwadile gore: “Re swanetše go latela phetho yeo bohlatse bo re lebišago go yona, gaešita le ge re be re sa e letela.” Go ya ka Moprofesara Flew, bohlatse bo be bo bontšha gore go na le Mmopi.

Gerard, yo go boletšwego ka yena pejana lelokelelong le la dihlogo, o ile a fihlelela phetho e swanago. Go sa šetšwe thuto ya gagwe e phagamego le mošomo wa gagwe e le setsebi sa dikhunkhwane, o itše: “Ga se ka hwetša bohlatse bja gore bophelo bo tšweletše ka mohlolo go tšwa dilong tšeo di sa phelego. Thulaganyo ya diphedi le go raragana ga tšona ke kgonthišetšo ya gore go swanetše go ba go na le Morulaganyi le Mohlami.”

Go fo etša ge motho a ka ithuta ka rabokgabo ka go hlahloba mošomo wa gagwe, Gerard o ile a lemoga dika tša Mmopi ka go ithuta ka tlholo. Le gona Gerard o ile a ipha nako ya go hlahloba puku yeo e ngwadilwego ke Mmopi—Beibele. (2 Timotheo 3:16) Ka go yona o ile a hwetša dikarabo tše di kgotsofatšago tša dipotšišo tša mabapi le histori ya batho le ditharollo tše di šomago tša mathata ao batho ba lebeletšanego le ona lehono. Ka go re’alo o ile a kgodišega gore Beibele e be e tšweleditšwe ke motho yo a phagamego.

Go etša ge Gerard a lemogile, dikarabo tša Beibele di swanetše go elwa hloko. Re go kgothaletša gore le wena o itlhahlobele tšona.

Ithute ka mo go oketšegilego

PHAFOGA!

Ke Eng Seo Beibele e se Bolelago Mabapi le Tlholo?

Beibele e hlalosa “matšatši” a tshelelago ao ka ona Modimo a bopilego dilo tše di phelago. Na a e be e le matšatši a diiri tše 24?

MOROKAMI

Na Polanete ya Rena e Bile Gona ka Morero?

Na morero wa Modimo ka lefase o tla phethagala?

DIPUKU LE DIPOROUTŠHA

Na Dilo tše di Phelago di Bopilwe?

Seo o se dumelago ka gore bophelo bo thomile bjang se bohlokwa kudu.