Dipeakanyo tša go bula

Kgetha leleme

Eya go menyu wa bobedi

Eya go lelokelelo la dikagare

Eya go dikagare

Dihlatse tša Jehofa

Sepedi

PHAFOGA! JANUARY 2015

 MADIRENG A LEFASE

Go Lebiša Tlhokomelo e Kgethegilego Bodumeding

Go Lebiša Tlhokomelo e Kgethegilego Bodumeding

Bodumedi bo swanetše go kgothaletša botee. Eupša, gantši ke bjona sebaki sa dintwa le go se botane.

Lefase

Dikotara tšeo di fetago tše tharo tša badudi ba lefase di dula dinageng tšeo bodumedi bo gateletšwego, mohlomongwe ka baka la molao goba dintwa tša setšhaba. Nywaga e mehlano e sa tšwago go feta, palo ya dinaga tšeo di tlaišago dihlopha tše dinyenyane tša bodumedi e nyakile e oketšega gabedi.

SEO GO KA NAGANWAGO KA SONA: Ke’ng seo se dirago gore batho ba bangwe ba ganetšane le bodumedi?—Mateo 23:27, 28; Johane 15:19.

Engelane

Tonakgolo ya pele Tony Blair o ngwadile kuranteng ya Observer gore, “tshwaro e mpe ya bodumedi” ke sebaki se tlwaelegilego sa ditiro tša botšhošetši tšeo di sa tšwago go direga. O oketša ka gore: “Dintwa tša lekgolong le ga se tša bakwa ke dikgopolo tše di feteletšego tša dipolitiki—go swana le tšela tša lekgolong la bo-20 la nywaga—eupša di ka ba di bakilwe ke diphapano tša setšo goba tša bodumedi.”

SEO GO KA NAGANWAGO KA SONA: Ke ka baka la’ng bodumedi gantši e le bjona sebaki sa karogano?—Bona Mareka 7:6-8.

Australia

Australian Bureau of Statistics e begile gore motho o tee go ba bahlano kua Australia o bolela gore ga se setho sa bodumedi le ge e le bofe. Pego e tšwela pele ka gore, “go ba setho sa bodumedi go fapane le go tšea karolo ka mafolofolo medirong ya bodumedi.” Ke feela 15 lekgolong ya banna le 22 lekgolong ya basadi bao e lego ditho tša bodumedi bao ba ipolelago gore ba tšea karolo ka mafolofolo sehlopheng sa bodumedi.

SEO GO KA NAGANWAGO KA SONA: Ke dika dife tše di sa kgahlišego tšeo di bonagalago madumeding a mantši lehono?—Mateo 7:15-20.

Ithute ka mo go oketšegilego

Na go na le Bodumedi bjo bo ka Botwago?

Na o nyamišitšwe ke bodumedi? Ge e ba go le bjalo, o ka thatafalelwa ke go bota bodumedi le ge e le bofe. Go ithuta Beibele go ka thuša bjang?