Dipeakanyo tša go bula

Kgetha leleme

Eya go menyu wa bobedi

Eya go lelokelelo la dikagare

Eya go dikagare

Dihlatse tša Jehofa

Sepedi

PHAFOGA! DECEMBER 2014

Madireng a Lefase

Madireng a Lefase

Isiraele, Jorodane le Palestina

Lewatle le le Hwilego le gopa ka tekanyo ya mo e ka bago mithara ka ngwaga. Ba bangwe ba tšhoga gore letsha le le ka gopa ka mo go feletšego ka ngwaga wa 2050. Balaodi ba tsomana le tharollo. Nyakišišo e nngwe e šišinya gore go hlwekišwe meetse a lego Lewatleng le le Hwibidu bakeng sa gore a nwewe ke moka meetse a letswai ao a šetšego go tšwa go ao a hlwekišitšwego a tšhelwe ka Lewatleng le le Hwilego. Baswaya diphošo ba tšhoga gore leano le le ka baka kotsi dipheding tša moswananoši tšeo di lego ka Lewatleng le le Hwilego.

Jeremane

Nyakišišo e nngwe ya khamphani ya inšorense, e bontšha gore mo e ka bago tee tharong ya koketšego ya balwetši bao ba hlaselwago ke bolwetši bja pelo e amogelwa sepetlele ka Letšatši la Keresemose go feta nako le ge e le efe mo ngwageng. Khampani ye e šišinya gore dibaki tše dikgolo tša bolwetši bjo ke kgateletšego yeo e bago gona ge go tsongwa dimpho tša Keresemose gotee le go letelwa ga dimpho tše di bitšago kudu ke ba lapa le bagwera.

Brithania

Borathutamahlale ba Brithania ba tsebišitše gore sephedi se se bitšwago mollusk sa Iceland seo go bego go naganwa gore se na le nywaga e ka bago e 405, ge e le gabotse se be se na le nywaga e 507 nakong ya ge se be se ehwa go sa letelwa ka 2006. Se se bolela gore ke phoofolo e phetšego nako e telele * yeo e kilego ya ba gona. Sephedi se se hwile ge banyakišiši ba be ba se tsentše ka setšidifatšing e le gore ba se iše laporatoring.

Latin Amerika le Caribbean

Sebokeng seo se bego se swaretšwe kua Havana, Cuba, pejana ngwageng wo ditho tša ditšhaba tše masometharo-tharo tša kua Latin Amerika le tša Caribbean di tsebišitše gore dinaga tša tšona ke ‘lefelo la khutšo’ ka ge di dumelelane gore di tla rarolla diphapano tša tšona ntle le go lwa. Gare ga bao ba bego ba le gona e be e le Mongwaledi-pharephare wa Ditšhaba tše Kopanego e lego Ban Ki-moon.

^ ser. 7 Mo polelwana e rego “phoofolo e phetšego nako e telele” ga e akaretše diphedi tšeo di phelago e le sehlopha go swana le di-coral, tšeo go naganwago gore di phetše nywaga e dikete.