Dipeakanyo tša go bula

Kgetha leleme

Eya go menyu wa bobedi

Eya go lelokelelo la dikagare

Eya go dikagare

Dihlatse tša Jehofa

Sepedi

PHAFOGA! OCTOBER 2014

 NA LE HLAMILWE?

Leoto la Pere

Leoto la Pere

PERE (Equus caballus) e ka kgona go kata ka lebelo la dikhilomithara tše 50 ka iri. Le ge se se akaretša mošomo o mogolo, ga se gore e diriša matla a mantši. Seo se kgonega bjang? Sephiri se letše maotong a pere.

Ela hloko seo se diregago ge pere e kata. Mešifa ya maoto yeo e taologago e swara matla ge pere e gata fase, gomme maatla ao a boela morago go swana le seporing, gomme seo sa e kgoromeletša pele.

Go feta moo, ge pere e kata, maoto a yona a thothomela kudu moo e ka gobatšago mešifa ya yona. Lega go le bjalo, mešifa yeo e lego maotong a yona e šoma bjalo ka seokobatši. Banyakišiši ba bitša sebopego se gore ke, “kagego e kgethegilego ya mešifa yeo e hlamilwego” yeo e šomago ka bjako le ka matla.

Boradientšineare ba leka go ekiša tsela yeo maoto a pere a hlamilwego ka yona gore ba dire diroboto tša maoto a mane. Lega go le bjalo, go ya ka Biomimetic Robotics Laboratory of the Massachusetts Institute of Technology, go ka se be bonolo go ekiša tsela e raraganego yeo maoto a pere a hlamilwego ka yona, go šomišwa didirišwa tša mehleng yeno gotee le tsebo ya boentšeneare.

O nagana eng? Na kagego ya maoto a pere e bile gona ka tlhagelelo? Goba na e hlamilwe?