Dipeakanyo tša go bula

Kgetha leleme

Eya go menyu wa bobedi

Eya go lelokelelo la dikagare

Eya go dikagare

Dihlatse tša Jehofa

Sepedi

PHAFOGA! JULY 2014

 DINAGA LE BATHO

Go Etela Ireland

Go Etela Ireland

SEO go thwego ke Sehlakahlaka se Setala sa Ireland se bopša ke dinaga tše pedi: e kgolo ke Repabliki ya Ireland yeo e ikemetšego gomme e nyenyane ke Leboa la Ireland, yeo e lego karolo ya United Kingdom.

Giant’s Causeway

Ireland e bitšwa Sehlakahlaka se Setala ka baka la bontši bja dipula tšeo di dirago gore naga yeo e be e tala. Matsha a mabotse le dinoka gotee le magaga ao a lego kgauswi le lebopo le meboto di tlaleletša bobotseng bja yona bja tlhago.

Ntlo e rulelwago ka bjang

Batho ba Ireland ba ile ba lebeletšana le ditlaišo tše dintši. Ka mohlala, ba bangwe ba akanyetša gore go tloga mo e ka bago ka 1845 go ya go 1851, batho ba ka bago milione ba ile ba bolawa ke tlala le bolwetši ge mašemo a ditapola a senywa ke bolwetši bja dimela. E le go tšhabela tlala yeo e šoro, ba bantši ba ile ba hudugela dinageng tše bjalo ka Australia, Brithania, Canada gotee le United States. Lehono, Maamerika a ka bago dimilione tše 35 a na le bagologolo ba tšwago Ireland.

Batho ba Ireland ba tsebja ka go ba borutho le go amogela baeng. Dilo tšeo ba itlošago bodutu ka tšona di akaretša go namela dipere le dipapadi tša dihlopha, tše bjalo ka cricket, rugby, kgwele ya maoto le kgwele ya Gaelic (yeo e swanago le kgwele ya maoto). Gantši basadi  ba rata papadi ya sehlopha yeo e bitšwago camogie, yeo e swanago le hockey.

Gape batho ba Ireland ba rata go tšea magang e bile ba rata mmino. Mmino wa maoto wa batho ba Ireland o tumile lefaseng ka bophara. Babini ba dira gore mmele wa bona o eme thwii ge ba dutše ba bina ka go akgofa le ka nepo ka maoto a bona.

Sehlopha sa mmino sa Maireland

Dihlatse tša Jehofa di na le nywaga e ka godimo ga e lekgolo di le kua Ireland. Ga bjale, go na le Dihlatse tše fetago 6 000, e bile di ruta Beibele ka mafolofolo.

Mmino wa setšo wa Maireland o diriša diletšo tše bontšhitšwego ka mo tlase, go tloga ka go le letshadi go ya ka go le letona: harepa ya Celtic, dinakaserebana tša Maireland, fiddle, korositina, naka (tin whistle) le moropa

NA O BE O TSEBA?

Moo e bego e le tsela ya Giant’s Causeway, ka leboa la lebopo la Leboa la Ireland, go na le dikokwane tša maswika a maso tšeo di bakilwego ke leraga la kgale la thabamollo ge le be le kopana le lewatle.