Dipeakanyo tša go bula

Kgetha leleme

Eya go menyu wa bobedi

Eya go lelokelelo la dikagare

Eya go dikagare

Dihlatse tša Jehofa

Sepedi

PHAFOGA! APRIL 2014

 TABA YA LETLAKALA LA KA NTLE | KE PHELELA ENG?

Ka Gobane Dilo di a Fetoga

Ka Gobane Dilo di a Fetoga

“Re gateletšwe ka ditsela tšohle, eupša ga se ra pitlaganywa wa go palelwa ke go šutha; re a gakantšhwa, eupša ga se gore ga re na tsela ya go tšwa.”—2 BAKORINTHE 4:8.

Go ipolaya go bitšwa seo go thwego ke tharollo ya sa ruri ya bothata bja nakwana. Le ge o ka nagana gore ga go kgonege, boemo bjo bo gateletšago—bjoo bo bonagalago bo le ka godimo ga matla a gago—e ka ba bja nakwana. Ge e le gabotse bo ka fetoga o sa letela.—Bona lepokisi le le rego:  “Maemo a Bona a Ile a Fetoga.”

Gaešita le ge seo se sa direge, go kaone gore o rarolle mathata a gago ganyenyane-ganyenyane. Jesu o itše: “Le se ke la belaela ka letšatši le le latelago, gobane letšatši le le latelago le tla ba le dipelaelo tša lona. Letšatši le lengwe le le lengwe le lekanwe ke bošula bja lona.”—Mateo 6:34.

Eupša go thwe’ng ge e ba boemo bja gago bo ka se fetoge? Ka mohlala a re re o na le bolwetši bjo bo sa alafegego. Goba go thwe’ng ge e ba kgateletšego ya gago e bakwa ke boemo bjoo bo ka se kego bja bušetšwa morago, bjalo ka go senyega ga lenyalo goba lehu la moratiwa wa gago?

Gaešita le maemong a bjalo go na le selo seo o ka se fetošago: pono ya gago ka boemo. Ka go ithuta go amogela seo o ka se kgonego go se fetoša, o tla thoma go lebelela dilo ka leihlo le le nepagetšego. (Diema 15:15) E bile o tla kgona go hwetša ditsela tša go lebeletšana le boemo go e na le go rarolla bothata ka go ipolaya. Mafelelo e tla ba afe? O tla thoma go laola tsela yeo o naganago ka yona ka boemo bjoo bo bonagalago bo sa laolege.—Jobo 2:10.

GOPOLA SE: O ka se kgone go namela thaba ka kgato e tee, eupša o ka e namela kgato ka kgato. Go bjalo le ka mapheko ao o kopanago le ona, go sa šetšwe gore ke a magolo gakaakang go swana le thaba.

SEO O KA SE DIRAGO LEHONO: Boledišana le motho yo mongwe—mohlomongwe mogwera goba setho sa lapa—ka boemo bja gago. Motho yoo a ka go thuša go lebelela boemo bja gago ka pono e lekalekanego.—Diema 11:14.