Dipeakanyo tša go bula

Kgetha leleme

Eya go menyu wa bobedi

Eya go lelokelelo la dikagare

Eya go dikagare

Dihlatse tša Jehofa

Sepedi

PHAFOGA! FEBRUARY 2014

Madireng a Lefase

Madireng a Lefase

United States

Pego ya New York Times e re, “Mošomi yo a kgogago o dira gore mothwadi wa gagwe a lahlegelwe ke R57 520 ka ngwaga ge a bapetšwa le motho yo a sa kgogego.” Go ya ka tsebišo yeo e kgobokeditšwego ke banyakišiši ba Yunibesithi ya Ohio State, ditshenyagalelo tše dingwe di ka bakwa ke go tšea nako ya go kgoga, kalafo e bitšago kudu le go thiša mošomong. Taba e nngwe ke go šalela morago ga mošomo, mohlomongwe ka baka la ditlamorago tša go lemalela motšoko.

Italy

“Go se tsepame ga baruti le go se dire seo ba se bolelago, go dira gore batho ba se bote Kereke.”—Pope Francis.

Malaysia

Balaodi ba Malaysia ba utollotše ditone tše 24 tša manaka a ditlou ao a utswitšwego—manaka a ditlou ao a fetago a 1 000—a utilwe merwalong e mebedi ya dikota tša mahogany. Bašireletši ba tlhago ba boletše gore a e bile manaka a mantši kudu ao a kilego a hwetšwa. Manaka ao a be a etšwa Togo gomme a išwa China.

Afrika

Go ya ka pego ya 2012 ya Mokgatlo wa Lefase wa tša Maphelo, 63 lekgolong ya mahu e bakilwe ke malwetši a go fetela, a bjalo ka HIV/AIDS, malwetši a letšhollo, malaria, bolwetši bja mafahla, gotee le malwetši a bjaneng.

Australia

Bana ba rata dipapadi tša go petšha tša megalathekeng ya di-smartphone le tša didirišwa tše dingwe. Dipapadi tše dingwe di ekišetša dipapadi tša kgonthe tša khasino eupša di bonolo gore motho a ka fenya. Mmušo o begile gore bana ba ka tlwaela dipapadi tša go petšha “gomme seo sa dira gore ba lemalele go petšha ge ba gola.”