Dipeakanyo tša go bula

Kgetha leleme

Eya go menyu wa bobedi

Eya go lelokelelo la dikagare

Eya go dikagare

Dihlatse tša Jehofa

Sepedi

PHAFOGA! DECEMBER 2013

 DINAGA LE BATHO

Go Etela Brazil

Go Etela Brazil

Setšhuu se sebose seo se bitšwago feijoada ke sejo sa setšo sa Brazil

Nonyana yeo e bitšwago toucan

BRAZIL mathomong e be e dulwa ke batsomi le balemi. Banyakišiši ba Mapotokisi ba ile ba tliša bodumedi bja Roma Katholika, gomme ka morago ga moo gwa agwa dikereke tše dintši gotee dintlo tša thapelo—tšeo tše dingwe tša tšona di bego di kgabišitšwe ka dikota tša mabonwa tša go betlwa tšeo di manegilwego ka gauta.

Go tloga bogareng bja lekgolo la bo-16 la nywaga go ya bogareng bja lekgolo la bo-19 la nywaga, dikepe tša makgoba di išitše mo e ka bago Maafrika a dimilione tše nne Brazil gore a yo šoma mašemong. Maafrika ao a tlile le meetlo ya ona, e lego seo se dirilego gore go be le madumedi a Maafrika le Mabrazil a bjalo ka macumba le sehlotswana sa candomblé. Khuetšo ya Maafrika e bonagala mminong, motantshong le dijong tša Mabrazil.

Sejo sa setšo sa feijoada, seo se ilego sa tlwaelwa ke Mapotokisi, ke setšhuu seo e lego motswako wa dinama le dinawa tše diso, seo se jewago ka reise le morogo wo o bitšwago collard. Lekgolong la bo-19 le la bo-20 la nywaga, bafaladi ba dimilione ba tšwago Yuropa (kudukudu  Jeremane, Italy, Poland gotee le Sepania), Japane le dinaga tše dingwe ba ile ba tlatša badudi ba moo.

Lehono, kua Brazil ka moka go na le Dihlatse tša Jehofa tše ka bago tše 750 000 diphuthegong tše fetago tše 11 000. Di swara dithuto tša Beibele tše ka godimo ga tše 800 000. E le gore go be le mafelo a diboka, dihlopha tša go aga tše di sepelago le mafelo tše 31 di šoma le Dihlatse tša mafelong ao bakeng sa go aga le go lokiša Diholo tša Mmušo tše ka bago tše 250 go ya go tše 300 ngwaga le ngwaga. Ga e sa le go tloga ka March 2000, go feditšwe e 3 647 ya mediro yeo.

NA O BE O TSEBA?

Noka ya Amazon e ntšha meetse a mantši go feta noka le ge e le efe gomme e nabile ka botelele bja dikhilomithara tše ka godimo ga tše 6 275

Tikologong ya Noka ya Amazon go na le sethokgwa se segologolo sa dipula tše dintši lefaseng