Eya go dikagare

Eya go menyu wa bobedi

Eya go lelokelelo la dikagare

Dihlatse tša Jehofa

Sepedi

Phafoga!  |  June 2013

 DINAGA LE BATHO

Go Etela Panama

Go Etela Panama

MOHLOMONGWE Panama e tsebja kudu ka mokero wa yona—tsela ya meetse yeo e kopanyago lewatle la Atlantic le la Pacific. Eupša ka ge e kopanya Amerika Leboa le Amerika Borwa, Panama gape e kopanya batho. Ke legae la batho ba mebala e sa swanego le ditšo tše fapafapanego. Badudi ba bantši ke motswako wo o belegwego ke badudi ba moo ba setlogo le bao bagologolo ba bona ba tšwago Yuropa.

NA O BE O TSEBA? Segwagwa sa mmala wa gauta sa Panama (Atelopus zeteki) se emiša matsogwana a sona bakeng sa go gogela tše tshadi le go tšhošetša tšeo di phenkgišanago le sona

Ge banyakišiši ba Sepania ba be ba fihla Panama ka 1501, ba ile ba hwetša ditšhaba tše dintši tša badudi ba setlogo, tšeo tše dingwe tša tšona di sa dutšego di le gona le lehono. Se sengwe sa ditšhaba tše ke sa Maguna (seo nakong e fetilego se bego se tsebja e le Makuna). Maguna a mantši a dula karolong ya badudi ba setlogo ya  Sehlopheng sa Dihlakahlaka sa San Blas le go bapa le Lebopo la Caribbean kgauswi le mollwane o aroganyago Panama le Colombia. Moo, a a tsoma, a rea dihlapi a nametše diketswana tša kota, e bile a itemela dijo.

Setšhabeng sa Maguna, ge monna a nyala, o ya go dula le ba gabo mosadi wa gagwe gomme a šoma bakeng sa go ba hlokomela. Ge e ba ge nako e dutše e eya mosadi wa gagwe a ka mmelegela morwedi, monna yoo le lapa la gagwe ba ka kgona go tšwa ka lapeng leo la gabo mosadi gomme ba yo ikagela lapa la bona.

Go na le diphuthego tše e ka bago tše 300 tša Dihlatse tša Jehofa kua Panama. Ka ntle le Sepanishi, diboka di swarwa le ka se-China, Seisemane, Segujarati, Seguna, se-Creole sa Haiti, Sengabere le Polelo ya Diatla ya Panama.