Dipeakanyo tša go bula

Kgetha leleme

Eya go menyu wa bobedi

Eya go lelokelelo la dikagare

Eya go dikagare

Dihlatse tša Jehofa

Sepedi

Beibele Inthaneteng

PHETOLELO YA LEFASE LE LEFSA YA MANGWALO A MAKGETHWA

Psalme 92:1-15

Koša, kopelo ya letšatši la sabatha. 92  Ke mo gobotse go go leboga wena Jehofa,+ Le go opelela leina la gago, wena Yo Godimodimo;+   Ke mo gobotse go bolela ka botho bja gago mesong+ Le ka potego ya gago mašego,+   Ke letša seletšo sa metato e lesome le kwadi,+ Le mmino o kwagalago wa harepa.+   Gobane o dirile gore ke thabe ka baka la modiro wa gago, wena Jehofa; Ke goelela ka lethabo ka baka la mediro ya diatla tša gago.+   Mediro ya gago ke e megolo gakaakang, wena Jehofa!+ Dikgopolo tša gago ke tše di tseneletšego.+   Ga go le o tee wa go hloka tlhaologanyo yo a ka di tsebago,+ Le setlaela seo se ka di kwešišago.+   Ge ba kgopo ba hloga go etša dimela,+ Le ge bohle bao ba tlwaetšego go dira tšeo di gobatšago ba hloga, Ke ka morero wa gore ba tle ba fedišetšwe sa ruri.+   Eupša wena Jehofa o yo a phagamego go iša mehleng ya neng le neng.+   Bona manaba a gago, hle Jehofa,+ Bona! Manaba a gago a tla fedišwa;+ Bohle bao ba tlwaetšego go dira tše di gobatšago ba tla gašanywa.+ 10  Eupša wena o tla phagamiša lenaka* la ka go etša la poo ya naga;*+ Ke tla ikolobiša ka makhura a lapološago.+ 11  Leihlo la ka le tla bogela manaba a ka;+ Ditsebe tša ka di tla kwa ka ga bao ba ntsogelago matla, bona badirabobe. 12  Moloki o tla khukhuša go etša mopalema;+ O tla gola go etša sehlare sa motsedara sa kua Libanoni.+ 13  Bao ba bjetšwego ntlong ya Jehofa,+ E lego malapeng a Modimo wa rena,+ ba tla khukhuša. 14  Ba tla dula ba atlega nakong ya bohlogoputswa,+ Ba dula ba nonne e bile e le ba bananana,+ 15  Gore ba bolele gore Jehofa o lokile.+ Ke yena Leswika la ka,+ yoo go yena go se nago go se loke.+

Mengwalo ya tlase

Gantši ka Beibeleng lenaka la phoofolo le dirišwa e le seka sa matla goba bolaodi.
Go bonagala e le phoofolo yeo e swanago le nare.