Dipeakanyo tša go bula

Kgetha leleme

Eya go menyu wa bobedi

Eya go lelokelelo la dikagare

Eya go dikagare

Dihlatse tša Jehofa

Sepedi

Beibele Inthaneteng

PHETOLELO YA LEFASE LE LEFSA YA MANGWALO A MAKGETHWA

Psalme 9:1-20

Go moopediši: Diriša Muthe-labene.* Koša ya Dafida. א [ʼAʹleph] 9  Wena Jehofa, ke tla go reta ka pelo ya ka ka moka;+ Ke tla bolela ka mediro ya gago ka moka e makatšago.+   Ke tla go thabela ka ba ka go hlalalela,+ Ke tla opelela leina la gago, wena Yo Godimodimo.+ ב [Behth]   Ge manaba a ka a boela morago,+ A tla kgopša gomme a hwela pele ga gago.+   Ka gobane o ahloletše nna le tsela ya ka;+ O dutše sedulong sa bogoši wa ahlola ka toko.+ ג [Giʹmel]   O kgalemetše ditšhaba,+ wa fediša ba kgopo.+ O phumotše leina la bona go iša mehleng ya neng le neng, gaešita le ka mo go sa felego.+   Wena lenaba, o fedišeditšwe sa ruri,+ Le metse ye o e phušotšego.+ Go ka se sa bolelwa ka manaba a gago.+ ה [Heʼ]   Ge e le Jehofa o tla dula sedulong sa gagwe sa bogoši go iša mehleng ya neng le neng,+ A se thea gomme a se tiiša bakeng sa kahlolo.+   Yena o tla ahlola ka toko lefase le go dulwago go lona;+ O tla sekiša ditšhaba ka go loka.+ ו [Waw]   Jehofa e tla ba sebo sa le ge e le mang yo a nyamilego o šoro,+ Sebo dinakong tša tlalelo.+ 10  Bao ba tsebago leina la gago ba tla go bota,+ Gobane wena Jehofa o ka se tlogele bao ba go tsomago.+ ז [Zaʹyin] 11  Opelelang Jehofa yo a dulago Tsione;+ Bolelang ditiro tša gagwe merafong.+ 12  Gobane ge a nyaka ba go tšholla madi,+ o tla gopola bahlaki;+ O tloga a ka se lebale sello sa bona.+ ח [Chehth] 13  Nkgaugele hle Jehofa; bona mohlako wo ke o tlišetšwago ke bao ba ntlhoilego,+ Wena yo a nkukelago godimo a ntloša dikgorong tša lehu,+ 14  E le gore ke bolele ditiro tša gago ka moka tše di tumišegago+ Dikgorong+ tša morwedi wa Tsione,+ E le gore ke thabele phološo ya gago.+ ט [Tehth] 15  Ditšhaba di wetše ka moleteng wo di o epilego;+ Lenao la tšona le tantšwe ke lokwa leo di le utilego.+ 16  Jehofa o tsebja ka kahlolo yeo a e phethilego.+ Yo kgopo o tantšwe ka mediro ya diatla tša gagwe.+ Higayone.* Seʹlah. י [Yohdh] 17  Ba kgopo+ ba tla ya Bodulabahu,*+ Le ditšhaba ka moka tšeo di lebetšego Modimo di tla ya gona.+ 18  Gobane ga se ka mehla modiidi a tlago go lebalwa,+ Le gona kholofelo ya ba boleta e ka se tsoge e hweletše.+ כ [Kaph] 19  Ema hle Jehofa! Anke motho wa nama le madi a se be le matla a magolo.+ Anke ditšhaba di ahlolwe pele ga sefahlego sa gago.+ 20  Di tsenye poifo, hle Jehofa,+ Gore ditšhaba di tsebe gore e no ba feela batho ba nama le madi.+ Seʹlah.

Mengwalo ya tlase

“Muthe-labene.” Ke lentšu la Seheberu leo le sa hlaloswago, eupša ba bangwe ba le fetolela ka gore, “mabapi le lehu la morwa.”
“Higayone.” Ke lentšu la Seheberu leo le dirišitšwego ka tsela yeo e sa tlwaelegago leo le dirišwago moopelong, ga go tsebje gabotse seo le se bolelago.
Ka Seheberu ke “Sheole.”