Dipeakanyo tša go bula

Kgetha leleme

Eya go menyu wa bobedi

Eya go lelokelelo la dikagare

Eya go dikagare

Dihlatse tša Jehofa

Sepedi

Beibele Inthaneteng

PHETOLELO YA LEFASE LE LEFSA YA MANGWALO A MAKGETHWA

Psalme 75:1-10

Go moopediši. Modumo wa koša e rego, “O se ke wa senya.” Koša. Psalme ya Asafa.+ Kopelo. 75  Re a go leboga wena Modimo; re a go leboga,+ Leina la gago le na le rena.+ Batho ba tla bolela ka mediro ya gago e makatšago.+   Modimo o re: “Gobane ke beile nako e itšego;+ Nna ka ahlola ka go loka.+   Gwa tologa lefase le badudi ba lona ka moka,+ Gomme ke nna ke lokišitšego dikokwane tša lona.”+ Seʹlah.   Ke rile go mašilo: “Se beng mašilo,”+ Gomme go ba kgopo ka re: “Se kgantšheng matla* a lena.+   Se kgantšheng matla a lena. Le se ke la bolela ka go ikgantšha.+   Gobane go tšwa ka bohlabela goba ka bodikela, Goba gaešita le ka borwa ga go na boiphagamišo.   Gobane Modimo ke moahlodi.+ O kokobetša yo gomme a phagamiša yola.+   Gobane ka seatleng sa Jehofa go na le senwelo,+ Gomme beine e phophoma lehulo, e tletše ka motswako. Ruri o tla tšholla maitsheki a yona; Ba kgopo ka moka ba lefase ba tla a inola, ba a nwa.”+   Ge e le nna ke tla bolela ka seo go iša mehleng ya neng le neng; Ke tla opelela Modimo wa Jakobo.+ 10  “Ke tla ripa manaka* ka moka a ba kgopo.”+ Manaka a moloki a tla phagamišwa.+

Mengwalo ya tlase

Phetolelo ya lentšu ka lentšu e re, “lenaka.”
Gantši ka Beibeleng lenaka la phoofolo le dirišwa e le seka sa matla goba bolaodi.