Eya go dikagare

Eya go menyu wa bobedi

Eya go lelokelelo la dikagare

Dihlatse tša Jehofa

Sepedi

Beibele Inthaneteng | PHETOLELO YA LEFASE LE LEFSA YA MANGWALO A MAKGETHWA

Psalme 63:1-11

Koša ya Dafida, nakong ya ge a be a le lešokeng la Juda.+ 63  Wena Modimo, o Modimo wa ka, ke dula ke go nyaka.+ Moya wa ka o a go nyorelwa.+ Nama ya ka e a fokola ka ge e go hlologela Ge e le nageng e omilego le e sehlefetšego, mo go se nago meetse.+   Ka gona ke go bone o le lefelong la gago le lekgethwa,+ Ke go bone ka go bona matla a gago le letago la gago.+   Gobane botho bja gago bo phala bophelo,+ Melomo ya ka e tla go reta.+   Ka gona ke tla go reta bophelo bja ka ka moka;+ Ke tla rapela leina la gago ke emišitše diatla tša ka.+   Moya wa ka o kgotsofetše bjalo ka ge eka o khoše karolo e di phalago tšohle, karolo e nonnego,+ Melomo ya ka e go tumiša ka go goelela ka lethabo.+   Ge ke go gopotše ke le malaong,+ Ke naganišiša ka wena dinakong tša bošego tša go hlapetša.*+   Gobane o nthušitše,+ Ke goelela ka lethabo ke le moriting wa maphego a gago.+   Moya wa ka o go latetše kgauswi ka mehla;+ Seatla sa gago sa le letona se dula se nkakatletše.+   Ge e le bao ba dulelago go tsoma moya wa ka gore ba o senye,+ Ba tla theogela dikarolong tša tlasetlase tša lefase.+ 10  Ba tla gafelwa matleng a tšhoša;+ E tla ba dijonyana tša diphukubje.+ 11  Kgoši yona e tla thabela Modimo.+ Mang le mang yo a enago ka yena o tla ikgantšha,+ Gobane molomo wa bao ba bolelago maaka o tla thibja.+

Mengwalo ya tlase

Mehleng ya Kgoši Dafida, Baisiraele ba be ba na le dinako tše tharo tša go hlapetša bošego. Ya pele e be e tloga ka iri ya botshelela mantšiboa go ya go ya lesome bošego, ya bobedi e be e tloga ka iri ya lesome bošego go ya go ya bobedi ka masa, ya boraro e be e tloga ka iri ya bobedi ka masa go ya go ya botshelela mesong.