Eya go dikagare

Eya go lelokelelo la dikagare

Dihlatse tša Jehofa

Kgetha leleme Sepedi

Psalme 62:1-12

Go moopediši: Diriša Jeduthune.* Koša ya Dafida. 62  Moya wa ka o letetše Modimo o ikhomoletše.+Ke yena a mphološago.+   Ke leswika la ka le mophološi wa ka, ke sebo sa ka;+Nka se tekeme o šoro.+   Motho yo le nyakago go mmolaya le tla mo hlomarela go fihla neng?+Ka moka ga lena le bjalo ka leboto la go sekama, e lego morako wa maswika wo o lego kgauswi le go wa.+   Ba nea motho keletšo e mpe e le gore ba mo theole seriti;+Ba thabela go bolela maaka.+Ba šegofatša ka melomo ya bona, eupša ka dipelong tša bona ba a rogaka.+ Seʹlah.   Wena moya wa ka, letela Modimo o ikhomoletše,+Ka gobane ke holofetše yena.+   Ke leswika la ka le mophološi wa ka, ke sebo sa ka;+Nka se tekeme.+   Modimo ke yena yo a mphološago le yo a ntagafatšago.+Leswika la ka le tiilego le setšhabelo sa ka ke Modimo.+   Mmoteng ka dinako tšohle.+Tšhollang dipelo tša lena le le pele ga gagwe.+Modimo ke setšhabelo sa rena.+ Seʹlah.   Bana ba motho wa lefaseng ke mohemo,+Bana ba motho ke setšhabelo sa bofora.+Ge ba beilwe sekaleng, ka moka ga bona ba bohwefo go feta mohemo.+ 10  Le se ke la bota boradia,+Goba la ba le kholofelo ya lefeela ya go holofela bohlakodi.+Ge e ba le ka atelwa ke mahumo, le se ke la bea pelo ya lena go ona.+ 11  Modimo o boletše gatee, nna ke kwele seo gabedi,+Gore matla ke a Modimo.+ 12  Le gona botho ke bja gago, wena Jehofa,+Gobane wena o bušetša yo mongwe le yo mongwe go ya ka modiro wa gagwe.+

Mengwalo ya tlase

“Jeduthune.” Ke lentšu la Seheberu leo le sa hlaloswago.