Eya go dikagare

Eya go lelokelelo la dikagare

Dihlatse tša Jehofa

Kgetha leleme Sepedi

Psalme 60:1-12

Go moopediši: Diriša Lili* ya Kgopotšo. Miktame.* Psalme ya Dafida. Bakeng sa go ruta.+ Nakong ya ge a be a elwa le madira a Arama-naharaima le a Arama-Tsoba, gomme Joaba a boa go tlo bolaya Baedomo Moeding wa Letswai, a bolaya ba dikete tše lesomepedi (12 000).+ 60  Wena Modimo, o re lahlile, o re phutše mašoba,+O re tuketše bogale. Re tsošološe.+   O šišintše lefase, o le pharotše.+Thiba mašoba a lona, gobane le tekatekile.+   O baketše batho ba gago go bona mathata.+O dirile gore re nwe beine yeo e re thekesedišago.+   Bao ba go boifago o ba neile sešupo+Sa gore ba phefe bora. Seʹlah.   Anke o re phološe ka seatla sa gago sa le letona o be o re arabe,+E le gore bao o ba ratago ba hlakodišwe.+   Modimo yena o boletše a le bokgethweng bja gagwe a re:+“Ke tla hlalala, ke tla ntšha Shikeme e le karolo ya bohwa;+Ke tla ela moedi wa Sukothe.+   Gileada ke ya ka le Manase ke ya ka,+Efuraime ke sebo sa yo ke mmeilego moetapele;Juda ke molamo wa ka wa go laola.+   Moaba ke pitša ya ka ya go hlapela.+Ke tla foša Edomo ka ramphašane ya ka.+Ke tla gobela Filisita mogobo.”+   Ke mang yo a tlago go nkiša motseng o rakeletšwego?+Ke mang yo a tlago go nketa pele go fihla Edomo?+ 10  Wena Modimo, na ga se wena yo a re lahlilego+Gomme wa se tšwe le madira a rena o le Modimo wa rena?+ 11  Re thuše tlalelong yeo re lego go yona,+Ka ge phološo e tšwago go motho wa lefaseng e se na mohola.+ 12  Modimo o tla re nea matla,+Gomme yena o tla gatakela manaba a rena.+

Mengwalo ya tlase

Bona mongwalo wa ka tlase wa mantšu a ketapele go Ps 45.
Bona mongwalo wa ka tlase wa mantšu a ketapele go Ps 16.