Eya go dikagare

Eya go menyu wa bobedi

Eya go lelokelelo la dikagare

Dihlatse tša Jehofa

Sepedi

Beibele Inthaneteng | PHETOLELO YA LEFASE LE LEFSA YA MANGWALO A MAKGETHWA

Psalme 59:1-17

Go moopediši. Modumo wa koša e rego: “O se ke wa senya.” Psalme ya Dafida. Miktame.* Ge Saulo a be a romela lentšu la gore ba dule ba letile ntlo ya Dafida e le gore ba mmolaye.+ 59  Ntlhakodiše manabeng a ka, hle Modimo wa ka;+ Anke o ntšhireletše go bao ba ntsogelago matla.+   Ntlhakodiše go bao ba tlwaetšego go dira tše di gobatšago,+ O be o mphološe bathong bao ba nago le molato wa madi.   Gobane ba laletše moya wa ka;+ Ba matla ba a ntlhasela,+ Ba ntlhasela ke se na molato le ge e le sebe, wena Jehofa.+   Le ge ke se na molato, ba kitimela go itlhama.+ Wena ema ge ke go bitša gomme o bone.+   Ge e le wena Jehofa Modimo wa madira, o Modimo wa Isiraele.+ Ema o retologele ditšhabeng ka moka.+ O se gaugele moeki le ge e le ofe yo a dirago tše di gobatšago.+ Seʹlah.   Ba boa mantšiboa;+ Ba bogola go etša mpša+ gomme ba dikologa motse ka moka.+   Bona! Ba fufula mantšu a mabe molomong wa bona;+ Ditšhoša di melomong ya bona,+ Gobane ba re: “Ke mang a theeditšego?”+   Eupša ge e le wena Jehofa, o tla ba sega;+ O tla kwera ditšhaba ka moka.+   Wena Matla a ka, ke tla dula ke lebeletše go wena;+ Gobane wena Modimo o sebo sa ka.+ 10  Modimo yo botho o tla nkgahlanetša;+ Modimo yena o tla dira gore ke lebelele manaba a ka ke le bophagamong.+ 11  O se ba bolaye, gore batho ba gešo ba se lebale se.+ Diriša matla a gago go ba dira gore ba ralale,+ Gomme o ba wiše, wena Jehofa kotse ya rena,+ 12  O ba wiše ka baka la sebe sa molomo wa bona, e lego lentšu la melomo ya bona;+ Anke ba swarwe boikgantšhong bja bona,+ Ba swarwe ka baka la maroga le bofora tšeo ba di bolelago leboelela. 13  Ba fediše o befetšwe;+ Ba fediše, gore ba se sa hlwa ba eba gona; Anke ba tsebe gore Modimo o buša gare ga ba Jakobo go fihla pheletšong ya lefase.+ Seʹlah. 14  Anke ba boe mantšiboa; Anke ba bogole go etša mpša ba be ba dikologe motse ka moka.+ 15  Anke bona bao ba ralale ba nyake sa go ja;+ Anke ba se khore goba ba se hwetše mo ba ka lalago gona.+ 16  Eupša ge e le nna ke tla opela mabapi le matla a gago,+ Gomme mesong ke tla bolela ka lethabo ka botho bja gago.+ Gobane o sebo sa ka+ Le lefelo leo ke tšhabelago go lona letšatšing la ge ke le tlalelong.+ 17  Wena Matla a ka, ke tla go opelela,+ Gobane wena Modimo o sebo sa ka, Modimo yo a mpontšhago botho.+

Mengwalo ya tlase

Bona mongwalo wa ka tlase wa mantšu a ketapele go Ps 16.