Eya go dikagare

Eya go menyu wa bobedi

Eya go lelokelelo la dikagare

Dihlatse tša Jehofa

Sepedi

Beibele Inthaneteng | PHETOLELO YA LEFASE LE LEFSA YA MANGWALO A MAKGETHWA

Psalme 57:1-11

Go moopediši. Modumo wa koša e rego: “O se ke wa senya.” Psalme ya Dafida. Miktame. Nakong ya ge a be a tšhaba ka baka la Saulo, a tsena ka leweng.+ 57  Nkgaugele, hle Modimo, nkgaugele,+ Gobane moya wa ka o tšhabetše go wena;+ Ke tšhabela moriting wa maphego a gago go fihlela ge mathata a ka a feta.+   Ke bitša Modimo Yo Godimodimo, Modimo wa therešo yo a a fedišago ka baka la ka.+   O tla romela thušo go tšwa legodimong gomme a mphološa.+ O tla gakantšha yo a ntomago.+ Seʹlah. Modimo o tla romela botho bja gagwe le therešo ya gagwe.+   Moya wa ka o gare ga ditau;+ Ke robala gare ga dibata tše di jago batho, tšeo e lego bana ba batho, Bao meno a bona e lego marumo le mesebe,+ Le bao leleme la bona e lego tšhoša e bogale.+   Anke o phagamišetšwe ka godimo ga magodimo, wena Modimo;+ Anke letago la gago le be ka godimo ga lefase ka moka.+   Ba theile dikgato tša ka ka lokwa;+ Moya wa ka o imetšwe.+ Ba epile moreo pele ga ka; Bona ba wetše ka gare ga wona.+ Seʹlah.   Modimo, pelo ya ka e tiile,+ Pelo ya ka e tiile. Ke tla go opelela koša.+   Phafoga wena pelo* ya ka;+ Phafoga wena kwadi; le wena harepa.+ Ke tla phafoša masa.   Wena Jehofa, ke tla go reta gare ga merafo;+ Ke tla go opelela gare ga ditšhaba.+ 10  Gobane botho bja gago ke bjo bogolo go fihla magodimong,+ Gomme therešo ya gago ke e kgolo go fihla leratadimeng.+ 11  Anke o phagamišetšwe ka godimo ga magodimo, wena Modimo;+ Anke letago la gago le be ka godimo ga lefase ka moka.

Mengwalo ya tlase

Phetolelo ya lentšu ka lentšu e re, “letago.”