Eya go dikagare

Eya go menyu wa bobedi

Eya go lelokelelo la dikagare

Dihlatse tša Jehofa

Sepedi

Beibele Inthaneteng | PHETOLELO YA LEFASE LE LEFSA YA MANGWALO A MAKGETHWA

Psalme 56:1-13

Go moopediši mabapi le koša e rego: “Leeba le le Homotšego” gare ga bao ba lego kgole. Psalme ya Dafida. Miktame.* Ge Bafilisita ba be ba mo swere kua Gathe.+ 56  Nkgaugele hle Modimo, gobane motho wa nama le madi o ntomile.+O lwa letšatši ka moka, o a nkgatelela.+   Manaba a ka a be a duletše go ntoma letšatši ka moka,+Gobane bao ba lwago le nna ka go ikgantšha ke ba bantši.+   Ge e le nna, mohlang ke tšhogago ke tla bota wena.+   Ka ge ke le boteeng le Modimo, ke tla tumiša lentšu la gagwe.+Ke botile Modimo; nka se boife.+Motho yena a ka ntira’ng?+   Ba fetša letšatši ka moka ba ntshenyetša ditaba tša ka;Tšohle tše ba di naganago ka nna ke tše mpe.+   Ba a ntlhasela gomme ba a ikuta,+Ge e le bona ba ntota mehlala,+Ge ba dutše ba laletše moya wa ka.+   Ba lahle ka ge ba dira tše di gobatšago.+O wiše le merafo o galefile, hle Modimo.+   Wena ka bowena o begile go ba ga ka motšhabi.+Tsenya megokgo ya ka ka lekukeng la gago.+Na ga e ka pukung ya gago?+   Ka nako yeo manaba a ka a tla boela morago, letšatšing leo ke go bitšago ka lona;+Ke tseba se gabotse, gore Modimo o na le nna.+ 10  Ka ge ke le boteeng le Modimo,+ ke tla tumiša lentšu la gagwe;Ka ge ke le boteeng le Jehofa, ke tla tumiša lentšu la gagwe.+ 11  Ke botile Modimo. Nka se boife.+Motho wa lefaseng a ka ntira’ng?+ 12  Ke tlangwa ke dikeno tšeo ke go enetšego tšona, hle Modimo.+Ke tla tliša ditebogo go wena.+ 13  Gobane o hlakodišitše moya wa ka lehung+Na ga se wa hlakodiša dinao tša ka gore di se kgopše?+Gore ke hlankele* Modimo ke le seetšeng sa bao ba phelago.+

Mengwalo ya tlase

Bona mongwalo wa ka tlase wa mantšu a ketapele go Ps 16.
Phetolelo ya lentšu ka lentšu e re, “sepele pele ga Modimo.”