Dipeakanyo tša go bula

Kgetha leleme

Eya go menyu wa bobedi

Eya go lelokelelo la dikagare

Eya go dikagare

Dihlatse tša Jehofa

Sepedi

Beibele Inthaneteng

PHETOLELO YA LEFASE LE LEFSA YA MANGWALO A MAKGETHWA

Psalme 52:1-9

Go moopediši. Maskile.* Psalme ya Dafida ya mola Doege wa Moedomo a be a tlile go botša Saulo gore Dafida o be a tlile ntlong ya Ahimeleke.+ 52  Wena mogale, go re’ng o ikgantšha ka se sebe?+ Botho bja Modimo bo gona letšatši ka moka.+   Leleme la gago le loga maano a go baka mathata, le louditšwe bjalo ka legare,+ Le dira tša bofora.+   O ratile se sebe go feta se sebotse,+ Wa rata maaka go feta go bolela se se lokilego.+ Seʹlah.   O ratile mantšu ka moka a gobatšago,+ Wena leleme la bofora.+   Modimo yena o tla buša a go phušolela sa ruri;+ O tla go wiša a go gogela kgole le tente ya gago,+ A go tumola ka medu nageng ya bao ba phelago.+ Seʹlah.   Baloki ba tla bona seo gomme ba boifa,+ Ba tla go sega.+   Šo monnatia yo a sa dirego Modimo sebo sa gagwe,+ Eupša a botile mahumo a gagwe ao a mo atetšego,+ A itšhireletša ka mathata ao a a bakelago ba bangwe.+   Eupša ke tla ba bjalo ka mohlware o motala+ ntlong ya Modimo; Ke botile botho bja Modimo go iša mehleng ya neng le neng, gaešita le ka mo go sa felego.+   Ke tla go reta go iša mehleng ya neng le neng, gobane o gatile mogato;+ Ke tla holofela leina la gago pele ga bao ba go botegelago, ka gobane ke mo gobotse.+

Mengwalo ya tlase

Bona mongwalo wa ka tlase wa mantšu a ketapele go Ps 32.