Dipeakanyo tša go bula

Kgetha leleme

Eya go menyu wa bobedi

Eya go lelokelelo la dikagare

Eya go dikagare

Dihlatse tša Jehofa

Sepedi

Beibele Inthaneteng

PHETOLELO YA LEFASE LE LEFSA YA MANGWALO A MAKGETHWA

Psalme 5:1-12

Go moopediši: Diriša Nehilothe.* Koša ya Dafida. 5  Sekegela dipolelo tša ka tsebe,+ hle Jehofa; Kwešiša go fegelwa ga ka.   Theetša mokgoši wa sello sa ka sa go llela thušo,+ Wena Kgoši+ ya ka le Modimo wa ka, gobane ke wena ke go rapelago.+   Wena Jehofa, mesong o tla kwa lentšu la ka;+ Mesong ke tla bolela le wena gomme ka leta.+   Gobane ga o Modimo yo a kgahlwago ke bokgopo;+ Ga go le o tee yo mobe yo a ka dulago le wena le ge e le ka lebakanyana.+   Ga go na baikgantšhi bao ba ka emago pele ga mahlo a gago.+ O hloile bohle bao ba tlwaetšego go dira tše di gobatšago;+   O tla fediša bao ba bolelago maaka.+ Jehofa o hloile motho yo a tšhollago madi+ le yo a dirago tša bofora.+   Ge e le nna, ka baka la boati bja botho bja gago+ Ke tla tsena ka ntlong ya gago,+ Ke tla khunama ke lebane le tempele ya gago e kgethwa ke go boifa.+   Hle Jehofa, ntlhahle ditseleng tša gago tša go loka+ ka baka la manaba a ka;+ Nthuše go sepela tseleng ya gago go se na mapheko.+   Gobane melomong ya bona ga go seo se ka botwago;+ Menagano ya bona e tletše bokgopo.+ Mogolo wa bona ke lebitla le le ahlamego;+ Ba diriša leleme le boreledi.+ 10  Modimo o tla ba bona molato;+ Ba tla wišwa ke merero ya bona.+ A ba tšitlanywe ke bontši bja dikarogo tša bona,+ Ka gobane ba rabetše go wena.+ 11  Eupša bohle bao ba tšhabelago go wena ba tla thaba;+ Ba tla goeletša ka lethabo go iša mehleng ya neng le neng.+ O tla thibela gore ba se batamelwe, O tla hlalalelwa ke bao ba ratago leina la gago.+ 12  Gobane wena Jehofa o tla šegofatša le ge e le mang yo a lokilego;+ Ka ge o ba amogela, o tla ba šireletša bjalo ka ge eka ke ka kotse e kgolo.+

Mengwalo ya tlase

“Nehilothe.” Ke lentšu la Seheberu leo go sa tsebjego gabotse seo le se bolelago. E ka ba e le leina la seletšo sa mmino seo se butšwetšwago goba e le leina la koša.