Eya go dikagare

Eya go menyu wa bobedi

Eya go lelokelelo la dikagare

Dihlatse tša Jehofa

Sepedi

Beibele Inthaneteng | PHETOLELO YA LEFASE LE LEFSA YA MANGWALO A MAKGETHWA

Psalme 47:1-9

Go moopediši. Psalme ya barwa ba Kora. Koša. 47  Lena merafo ka moka, opang magoswi.+ Gobelang Modimo ka mokgoši wa go hlalala.+   Gobane Jehofa, yena Yo Godimodimo, o a boifiša,+ Ke Kgoši e kgolo lefaseng ka moka.+   O tla fenya merafo gore e be ka tlase ga rena+ Gomme a fenya ditšhaba gore di be ka tlase ga dinao tša rena.+   O tla re kgethela bohwa bja rena,+ E lego bjoo Jakobo yoo a mo ratilego+ a ikgantšhago ka bjona. Seʹlah.   Modimo o rotogile ka megobo,+ Jehofa o rotogile ka modumo wa phalafala.+   Opelelang Modimo, opelang.+ Opelelang Kgoši ya rena, opelang.   Gobane Modimo ke Kgoši ya lefase ka moka;+ Opelang le bontšha temogo.+   Modimo ke kgoši ya ditšhaba.+ Modimo yena o dutše godimo ga sedulo sa gagwe sa bogoši se sekgethwa.+   Bakgomana ba merafo bona ba kgobokane gotee+ Le batho ba Modimo wa Aborahama.+ Gobane bao ba etšago dikotse* tša lefase ke ba Modimo.+ Yena o godimodimo boemong bja gagwe bjo bo phagamego.+

Mengwalo ya tlase

Go bonagala di šupa go babuši goba bao ba šireletšago batho.