Dipeakanyo tša go bula

Kgetha leleme

Eya go menyu wa bobedi

Eya go lelokelelo la dikagare

Eya go dikagare

Dihlatse tša Jehofa

Sepedi

Beibele Inthaneteng

PHETOLELO YA LEFASE LE LEFSA YA MANGWALO A MAKGETHWA

Psalme 4:1-8

Go moopediši: Diriša dikwadi.+ Koša ya Dafida. 4  Ge ke goeletša, o nkarabe, wena Modimo wa ka yo a lokilego.+ Ge ke le tlalelong o mpulele tsela ya go tšwa. Nkgaugele+ gomme o kwe thapelo ya ka.   Lena bana ba batho, letago+ la ka le tla rogakwa go fihla neng, Mola le duletše go rata dilo tša lefeela, Mola le duletše go nyaka gore le hwetše maaka? Seʹlah.   Ka gona tsebang gore Jehofa o tla hlaola yo a mmotegelago;+ Jehofa yena o tla nkwa ge ke mmitša.+   Ge le ferekane, le se ke la dira sebe.+ Bolelang le nnoši ka dipelong tša lena le le malaong a lena+ gomme le ikhomolele. Seʹlah.   Dirang dihlabelo tša toko,+ Le boteng Jehofa.+   Ba bantši ba re: “Ke mang yo a tlago go re bontšha tše botse?” Re hlabišetše seetša sa sefahlego sa gago,+ hle Jehofa.   O tla thabiša pelo ya ka+ Go feta nakong ya ge mabele a bona le beine ya bona e mpsha di atile.+   Ke tla sekama ka ba ka robala ka khutšo,+ Gobane wena Jehofa, ke wena o nnoši o dirago gore ke dule ka polokego.+

Mengwalo ya tlase