Eya go dikagare

Eya go menyu wa bobedi

Eya go lelokelelo la dikagare

Dihlatse tša Jehofa

Sepedi

Beibele Inthaneteng | PHETOLELO YA LEFASE LE LEFSA YA MANGWALO A MAKGETHWA

Psalme 37:1-40

Psalme ya Dafida. א [ʼAʹleph] 37  O se ke wa befelwa ka baka la badirabobe.+ O se ke wa hufegela bao ba dirago tša go se loke.+   Gobane ba tla omelela ka pela go etša bjang,+ Ba pona go etša bjang bjo botala bjo bonanana.+ ב [Behth]   Bota Jehofa, o dire tše dibotse;+ Dula lefaseng gomme o dire tša potego.+   Le gona thabela Jehofa kudu,+ Gomme yena o tla go nea tše pelo ya gago e di kgopelago.+ ג [Giʹmel]   Lahlela tsela ya gago go Jehofa,+ O ithekge ka yena,+ gomme yena o tla go thuša.+   O tla tšweletša toko ya gago go etša seetša,+ Gomme toka ya gago a e tšweletša go etša mosegare wa sekgalela.+ ד [Daʹleth]   Ikhomolele pele ga Jehofa+ Gomme o mo letele ka tlhologelo.+ O se ke wa befelela le ge e le mang yo a atlegago tseleng ya gagwe,+ Wa befelela motho yo a phethago dikgopolo tša gagwe.+ ה [Heʼ]   Lesa go galefa gomme o tlogele go befelwa;+ O se tlale pelo, gobane seo se lebiša bobeng.+   Gobane badirabobe bona ba tla fedišwa,+ Eupša bao ba holofetšego Jehofa ke bona bao e tlago go ba beng ba lefase.+ ו [Waw] 10  Go se gokae yo kgopo o tla be a se sa le gona;+ Wena o tla lebelela lefelo la gagwe, gomme yena o tla be a se gona.+ 11  Eupša ba boleta bona e tla ba beng ba lefase,+ Ba tla thaba kudu ka baka la go ata ga khutšo.+ ז [Zaʹyin] 12  Yo kgopo o logela moloki maanomabe,+ E bile o mo lomaganyetša meno.+ 13  Jehofa yena o tla mo sega,+ Gobane o a bona gore letšatši la gore a fedišwe le tla tla.+ ח [Chehth] 14  Ba kgopo ba khwamotše tšhoša e bile ba ngangile bora bja bona,+ Gore ba wiše mohlaki le modiidi,+ Le gore ba bolaye bao tsela ya bona e lokilego.+ 15  Tšhoša ya bona e tla tsena dipelong tša bona,+ Gomme mara a bona a tla robja.+ ט [Tehth] 16  Bonyenyane bjoo moloki a nago le bjona bo kaone+ Go feta boati bjoo ba kgopo ba bantši ba nago le bjona.+ 17  Gobane matsogo a ba kgopo ona a tla robja,+ Eupša Jehofa o tla be a thekga baloki.+ י [Yohdh] 18  Jehofa o tseba matšatši a bao ba se nago bosodi,+ Gomme bohwa bja bona bo tla dula bo le gona go iša mehleng ya neng le neng.+ 19  Ba ka se hlabje ke dihlong nakong ya masetlapelo,+ Gomme mohlang wa tlala ba tla khora.+ כ [Kaph] 20  Gobane ba kgopo bona ba tla fedišwa,+ Manaba a Jehofa ona a tla ba bjalo ka mafulo a mabotse; Manaba ao a tla hwelela.+ A tla fetoga muši.+ ל [Laʹmedh] 21  Yo kgopo o a adima gomme a se buše,+ Eupša moloki o a gaugela e bile o nea dimpho.+ 22  Gobane bao a ba šegofaditšego e tla ba beng ba lefase,+ Eupša bao a ba rogakilego ba tla fedišwa.+ מ [Mem] 23  Jehofa o tiiša dikgato tša monnatia,+ Le gona Modimo o kgahlwa ke tsela ya gagwe.+ 24  Gaešita le ge a ka wa, a ka se buragane,+ Gobane Jehofa o thekga seatla sa gagwe.+ נ [Nun] 25  Nkile ka ba lesogana, e bile ke tšofetše,+ Eupša ga se ka bona le ge e le mang yo a lokilego a tlogetšwe a le feela,+ Goba bana ba gagwe ba kgopela dijo.+ 26  Letšatši le letšatši o bontšha botho e bile o adima ba bangwe,+ Ka gona bana ba gagwe ba letetšwe ke tšhegofatšo.+ ס [Saʹmekh] 27  Furalela se sebe o dire se sebotse,+ Gomme o tla dula mo lefaseng go iša mehleng ya neng le neng.+ 28  Gobane Jehofa o rata toka,+ E bile a ka se tlogele bao ba mmotegelago.+ ע [ʽAʹyin]Ba tla šireletšwa+ go iša mehleng ya neng le neng; Eupša ge e le bana ba ba kgopo ba tla fedišwa.+ 29  Baloki bona e tla ba beng ba lefase,+ Ba tla dula mo go lona ka mo go sa felego.+ פ [Peʼ] 30  Molomo wa moloki ke wo o bolelago tše bohlale ka lentšu la tlasana,+ Gomme leleme la gagwe ke leo le bolelago tša go loka.+ 31  Molao wa Modimo wa gagwe o ka pelong ya gagwe;+ Ge a gata a ka se thekesele.+ צ [Tsa·dhehʹ] 32  Yo kgopo o dula a šeditše moloki+ Gomme o nyaka go mmolaya.+ 33  Ge e le Jehofa a ka se mo tlogelele diatleng tša yo kgopo,+ A ka se mmone molato ge a ahlolwa.+ ק [Qohph] 34  Holofela Jehofa gomme o lote tsela ya gagwe,+ O tla go phagamiša gore o tšee lefase e be la gago.+ Wena o tla bona ge ba kgopo ba fedišwa.+ ר [Rehsh] 35  Ke bone motho yo kgopo yo e bilego e le nkgwete,+ A ikala go etša sehlare se setala se se metšego mmung wa sona.+ 36  Eupša o ile a feta, a se sa ba gona;+ Ka mo nyaka, yena a se hwetšagale.+ ש [Shin] 37  Šetša motho yo a se nago bosodi gomme o dule o lebeletše moloki,+ Gobane bokamoso bja motho yoo e tla ba bja khutšo.+ 38  Eupša bao ba tshelago molao bona ba tla fedišwa ka moka;+ Ba kgopo ga ba na bokamoso.+ ת [Taw] 39  Phološo ya baloki e tšwa go Jehofa;+ Ke yena sebo sa bona nakong ya tlalelo.+ 40  Jehofa o tla ba thuša a ba a ba hlakodiša.+ O tla ba hlakodiša go ba kgopo gomme a ba phološa,+ Ka gobane ba tšhabetše go yena.+

Mengwalo ya tlase