Eya go dikagare

Eya go menyu wa bobedi

Eya go lelokelelo la dikagare

Dihlatse tša Jehofa

Sepedi

Beibele Inthaneteng | PHETOLELO YA LEFASE LE LEFSA YA MANGWALO A MAKGETHWA

Psalme 34:1-22

Psalme ya Dafida, nakong ya ge a be a itira segaswi+ pele ga Abimeleke, moo a ilego a mo raka gomme a tloga. א [ʼAʹleph] 34  Ke tla reta Jehofa ka dinako tšohle;+ Tumišo ya gagwe e tla dula e le molomong wa ka.+ ב [Behth]   Moya wa ka o tla ikgantšha ka Jehofa;+ Ba boleta ba tla di kwa gomme ba thaba.+ ג [Giʹmel]   Anke le godišeng Jehofa gotee le nna,+ Anke re phagamišeng leina la gagwe re le gotee.+ ד [Daʹleth]   Ke ile ka botšiša Jehofa gomme a nkaraba,+ A ntlhakodiša dipoifong tša ka ka moka.+ ה [Heʼ]   Bao ba lebeletšego go yena ba ile ba phadima,+ Le gona difahlego tša bona di be di ka se hlabje ke dihlong.+ ז [Zaʹyin]   Mohlaki šo o biditše Jehofa gomme yena a mo kwa.+ A mo phološa ditlalelong tša gagwe ka moka.+ ח [Chehth]   Morongwa wa Jehofa o hlomile mešaša go dikologa bohle bao ba boifago Modimo,+ Gomme o a ba hlakodiša.+ ט [Tehth]   Latswang le be le boneng gore Jehofa o lokile;+ Go thaba monna yo a tšhabelago go yena.+ י [Yohdh]   Boifang Jehofa lena bakgethwa ba gagwe,+ Gobane bao ba mmoifago ga ba hloke selo.+ כ [Kaph] 10  Ditawana tša mariri tšona di ka hloka dijo gomme tša swarwa ke tlala;+ Ge e le bao ba tsomago Jehofa ba ka se hloke selo se sebotse.+ ל [Laʹmedh] 11  Etlang lena barwa le ntheetšeng;+ Ke tla le ruta go boifa Jehofa.+ מ [Mem] 12  Ke mang motho yo a thabelago bophelo,+ Yo a ka ratago go bona matšatši a mantši a mabotse?+ נ [Nun] 13  Šireletša leleme la gago go se sebe,+ Le melomo ya gago go boleleng bofora.+ ס [Saʹmekh] 14  Furalela se sebe gomme o dire se sebotse;+ Tsoma khutšo gomme o e phegelele.+ ע [ʽAʹyin] 15  Mahlo a Jehofa a lebeletše baloki,+ Ditsebe tša gagwe di a ba kwa ge ba llela gore a ba thuše.+ פ [Peʼ] 16  Sefahlego sa Jehofa se lwa le bao ba dirago se sebe,+ Gore a dire gore go se sa bolelwa ka bona lefaseng.+ צ [Tsa·dhehʹ] 17  Baloki ba goeleditše gomme Jehofa a ba kwa,+ A ba hlakodiša ditlalelong tša bona ka moka.+ ק [Qohph] 18  Jehofa o kgauswi le ba dipelo tše di robegilego;+ O phološa ba meoya e nyamilego o šoro.+ ר [Rehsh] 19  Mathata a moloki ke a mantši,+ Eupša Jehofa o mo hlakodiša go ona ka moka.+ ש [Shin] 20  O šireletša marapo ka moka a yena yoo; Ga go le letee la ona leo le robegilego.+ ת [Taw] 21  Yo kgopo yena o tla bolawa ke bošula;+ Bao ba hloilego moloki bona ba tla bonwa molato.+ 22  Jehofa o lopolla moya wa bahlanka ba gagwe;+ Le gona ga go le o tee yo a tšhabelago go yena yo a tlago go bonwa molato.+

Mengwalo ya tlase