Dipeakanyo tša go bula

Kgetha leleme

Eya go menyu wa bobedi

Eya go lelokelelo la dikagare

Eya go dikagare

Dihlatse tša Jehofa

Sepedi

Beibele Inthaneteng

PHETOLELO YA LEFASE LE LEFSA YA MANGWALO A MAKGETHWA

Psalme 30:1-12

Koša. Kopelo ya go kgakolwa ga ntlo.+ Psalme ya Dafida. 30  Ke tla go phagamiša, wena Jehofa, gobane o ntlhakodišitše+ Gomme ga se wa dumelela manaba a ka a thaba ka nna.+   Wena Jehofa Modimo wa ka, ke ile ka llela gore o nthuše, gomme wa nkalafa.+   Wena Jehofa, o ntšhitše moya wa ka gona kua Bodulabahu;*+ O dirile gore ke dule ke phela, gore ke se theogele moleteng.+   Opelelang Jehofa, lena bao le mmotegelago,+ Lebogang leina* la gagwe le lekgethwa;+   Gobane go galefelwa ke yena ke ga nakwana,+ Go kgahliša yena ke ga bophelo ka moka.+ Mantšiboa go ka lliwa,+ eupša mesong go goelelwa ka lethabo.+   Ge e le nna ke boletše ke le boiketlong gore:+ “Le ka mohla nka se šišinywe.”+   Wena Jehofa, ka baka la kgaugelo ya gago o dirile gore thaba ya ka e eme e tiile.+ O utile sefahlego sa gago; nna ka ferekana.+   Ke ile ka dula ke go bitša, wena Jehofa;+ Ke ile ka dula ke lopa Jehofa gore a nkgaugele.+   Ke tla boelwa ke’ng mading a ka ge ke theogela moleteng?+ Na lerole le tla go reta?+ Na le tla bolela ka go rereša ga gago?+ 10  Ekwa, hle Jehofa, gomme o nkgaugele.+ Wena Jehofa, eba mothuši wa ka.+ 11  Sello sa ka o se fetotše go bina ka lethabo;+ O ntlhobotše mekotla, wa dira gore ke dule ke apere lethabo,+ 12  E le gore pelo* ya ka e go opelele gomme e se homole.+ Wena Jehofa Modimo wa ka, ke tla go reta go iša mehleng ya neng le neng.+

Mengwalo ya tlase

Ka Seheberu ke “Sheole.”
Phetolelo ya lentšu ka lentšu e re, “segopotšo sa gagwe se sekgethwa.”
Phetolelo ya lentšu ka lentšu e re, “letago.”