Dipeakanyo tša go bula

Kgetha leleme

Eya go menyu wa bobedi

Eya go lelokelelo la dikagare

Eya go dikagare

Dihlatse tša Jehofa

Sepedi

Beibele Inthaneteng

PHETOLELO YA LEFASE LE LEFSA YA MANGWALO A MAKGETHWA

Psalme 25:1-22

Psalme ya Dafida. א [ʼAʹleph] 25  Ke emišetša moya wa ka go wena Jehofa.+ ב [Behth]   Wena Modimo wa ka, ke botile wena;+ Anke ke se hlabje ke dihlong. Anke manaba a ka a se hlalale ge ke le mathateng.+ ג [Giʹmel]   Le gona, ga go le o tee yo a go holofetšego yo a tlago go hlabja ke dihlong.+ Dihlong di tla hlaba bao ba dirago tša boradia eupša ba sa atlege.+ ד [Daʹleth]   Ntsebiše ditsela tša gago hle Jehofa;+ Nthute ditsela tša gago.+ ה [Heʼ]   Ntshepediše therešong ya gago gomme o nthute,+ Gobane o Modimo yo a mphološago.+ ו [Waw]Ke holofetše wena letšatši ka moka.+ ז [Zaʹyin]   Gopola dikgaugelo tša gago+ le botho bja gago,+ hle Jehofa, Gobane ke tša go tloga mehleng ya neng le neng.+ ח [Chehth]   Hle o se gopole dibe tša bofseng bja ka le melato ya ka.+ Nkgopole go ya ka botho bja gago,+ Ka baka la go loka ga gago, hle Jehofa.+ ט [Tehth]   Jehofa ke yo botho e bile o lokile.+ Ke ka baka leo a hlahlago badiradibe tseleng ya gagwe.+ י [Yohdh]   O tla sepediša ba boleta ka dikahlolo tša gagwe,+ E bile o tla ruta ba boleta tsela ya gagwe.+ כ [Kaph] 10  Ditsela tšohle tša Jehofa ke botho le therešo Go bao ba bolokago kgwerano+ ya gagwe le go latela dikgopotšo tša gagwe.+ ל [Laʹmedh] 11  Jehofa, ka baka la leina la gago+ Ntebalele molato wa ka, le ge e le o mogolo.+ מ [Mem] 12  Bjale ke mang motho yo a boifago Jehofa?+ Modimo o tla mo hlahla tseleng yeo a tlago go e kgetha.+ נ [Nun] 13  Moya wa gagwe o tla dula go tše botse,+ Gomme bana ba gagwe ba tla tšea lefase ya ba la bona.+ ס [Saʹmekh] 14  Tswalano ya kgauswi le Jehofa ke ya bao ba mmoifago,+ Le kgwerano ya gagwe ke ya bona, e le gore a ba tsebiše yona.+ עAʹyin] 15  Mahlo a ka a dula a lebeletše go Jehofa,+ Ka gobane ke yena yo a ntšhago dinao tša ka lokweng.+ פ [Peʼ] 16  Retollela sefahlego sa gago go nna gomme o nkgaugele;+ Ka gobane ke noši e bile ke a hlaka.+ צ [Tsa·dhehʹ] 17  Ditlalelo tša pelo ya ka di atile;+ Hle nntšhe dikgateletšong tša ka.+ ר [Rehsh] 18  Bona mohlako wa ka le matshwenyego a ka,+ Gomme o ntshwarele dibe tša ka ka moka.+ 19  Bona gore manaba a ka ke a mantši bjang,+ Le gona a ntlhoile ka lehloyo le lešoro.+ ש [Shin] 20  Šireletša moya wa ka o be o ntlhakodiše.+ Anke ke se hlabje ke dihlong, gobane ke tšhabetše go wena.+ ת [Taw] 21  Anke potego le go loka tšona di ntšhireletše,+ Ka gobane ke holofetše wena.+ 22  Hle Modimo, lopolla Isiraele ditlalelong tša gagwe ka moka.+

Mengwalo ya tlase