Eya go dikagare

Eya go menyu wa bobedi

Eya go lelokelelo la dikagare

Dihlatse tša Jehofa

Sepedi

Beibele Inthaneteng | PHETOLELO YA LEFASE LE LEFSA YA MANGWALO A MAKGETHWA

Psalme 145:1-21

Koša ya tumišo, psalme ya Dafida. א [ʼAʹleph] 145  Ke tla go phagamiša, wena Modimo wa ka, wena Kgoši,+ Ke tla reta leina la gago go iša mehleng ya neng le neng, gaešita le ka mo go sa felego.+ ב [Behth]   Ke tla go reta letšatši ka moka,+ Ke tla tumiša leina la gago go iša mehleng ya neng le neng, gaešita le ka mo go sa felego.+ ג [Giʹmel]   Jehofa ke yo mogolo e bile o swanetšwe ke go tumišwa kudu,+ Bogolo bja gagwe ga bo latišišege.+ ד [Daʹleth]   Meloko le meloko e tla reta mediro ya gago,+ E tla bolela ka ditiro tša gago tše matla.+ ה [Heʼ]   Ke tla nagana ka letago le le phadimago la seriti sa gago+ Le ka dilo tšeo di lego mabapi le mediro ya gago e makatšago.+ ו [Waw]   Meloko e tla bolela ka matla a dilo tša gago tše di boifišago;+ Nna ke tla bolela ka bogolo bja gago.+ ז [Zaʹyin]   Meloko e tla phophoma ka lethabo ge go bolelwa ka boati bja botho bja gago,+ E tla goelela ka lethabo ka baka la toko ya gago.+ ח [Chehth]   Jehofa o a šokela e bile o a gaugela,+ O diega go galefa e bile botho bja gagwe ke bjo bogolo.+ ט [Tehth]   Jehofa ke yo a lokilego go bohle,+ Kgaugelo ya gagwe e ukametše mediro ya gagwe ka moka.+ י [Yohdh] 10  Wena Jehofa, mediro ya gago ka moka e tla go reta,+ Bohle bao ba go botegelago ba tla go reta.+ כ [Kaph] 11  Ba tla bolela ka letago la bogoši bja gago,+ Ba bolela ka matla a gago,+ ל [Laʹmedh] 12  Gore ba tsebiše bana ba batho ditiro tša gago tše matla+ Le letago le le phadimago la bogoši bja gago.+ מ [Mem] 13  Bogoši bja gago ke bogoši bja neng le neng,+ Pušo ya gago ke ya go iša melokong le melokong.+ ס [Saʹmekh] 14  Jehofa o thekga bohle bao ba wago,+ E bile o emiša bohle bao ba buraganego.+ ע [ʽAʹyin] 15  Mahlo a tšohle tše di phelago a lebeletše go wena ka kholofelo,+ Gomme o di nea dijo tša tšona ka lebaka la gona.+ פ [Peʼ] 16  O bula seatla sa gago+ Wa kgotsofatša kganyogo ya sephedi se sengwe le se sengwe.+ צ [Tsa·dhehʹ] 17  Jehofa o lokile ditseleng tša gagwe ka moka+ E bile o a botega ditirong tša gagwe ka moka.+ ק [Qohph] 18  Jehofa o kgauswi le bohle bao ba mmitšago,+ Gotee le bohle bao ba mmitšago ka go rereša.+ ר [Rehsh] 19  O tla kgotsofatša kganyogo ya bao ba mmoifago,+ O tla ba kwa ge ba mo llela gore a ba thuše, gomme o tla ba phološa.+ ש [Shin] 20  Jehofa o šireletša bohle bao ba mo ratago,+ Eupša bohle ba kgopo o tla ba fediša.+ ת [Taw] 21  Molomo wa ka o tla tumiša Jehofa;+ Anke nama ka moka e rete leina la gagwe le lekgethwa go iša mehleng ya neng le neng, gaešita le ka mo go sa felego.+

Mengwalo ya tlase