Eya go dikagare

Eya go menyu wa bobedi

Eya go lelokelelo la dikagare

Dihlatse tša Jehofa

Sepedi

Beibele Inthaneteng | PHETOLELO YA LEFASE LE LEFSA YA MANGWALO A MAKGETHWA

Psalme 140:1-13

Go moopediši. Koša ya Dafida. 140  Ntlhakodiše bathong ba babe, hle Jehofa;+Ntšhireletše bathong bao ba dirago ditiro tša bošoro,+   Go bao ba logilego maanomabe ka dipelong tša bona,+Bao letšatši ka moka ba hlwago ba hlasela go etša ge go hlaselwa dintweng.+   Ba louditše leleme la bona go etša la noga;+Mpholo wa marabe o ka ganong ga bona.+ Seʹlah.   Ntlhakodiše diatleng tša yo kgopo, hle Jehofa;+Hle ntšhireletše mothong yo a dirago ditiro tša bošoro,+Go bao ba logilego maano a gore ke kgopše.+   Bao ba iphagamišago ba ntheile;+Ba adile dithapo tša ba bjalo ka lokwa ka thoko ga tsela.+Ba ntheetše melaba.+ Seʹlah.   Ke rile go Jehofa: “Wena o Modimo wa ka.+Anke o sekegele tsebe lentšu la ka la ge ke go lopa, hle Jehofa.”+   Wena Jehofa Mmuši Morena,+ mophološi wa ka yo matla,+O ntšhireleditše hlogo mohlang go etšwa dira.+   O se fe yo kgopo tšeo a di kganyogilego, hle Jehofa.+O se thekge maanomabe a gagwe, gore a se iphagamiše.+ Seʹlah.   Ge e le dihlogo tša bao ba ntikologilego,+Anke di khupetšwe ke mathata a melomo ya bona.+ 10  Anke ba tšhelwe ka magala.+Anke ba lahlelwe mollong,+ ka mekoting e tletšego meetse, gore ba se kgone go ema.+ 11  Anke yo a bolelago kudu a se ke a tsepama lefaseng.+Anke motho yo šoro a hlomarelwe ke bobe bo mo itie leboelela.+ 12  Ke tseba gabotse gore Jehofa o tla lwela+Mohlaki, a ba a ahlolela badiidi.+ 13  Ruri baloki ba tla leboga leina la gago;+Ba go hloka bosodi ba tla dula pele ga gago.+

Mengwalo ya tlase