Eya go dikagare

Eya go menyu wa bobedi

Eya go lelokelelo la dikagare

Dihlatse tša Jehofa

Sepedi

Beibele Inthaneteng | PHETOLELO YA LEFASE LE LEFSA YA MANGWALO A MAKGETHWA

Maleaki 4:1-6

4  “Tsebang! Go tla letšatši le le fišago go etša sebešo+ gomme baikgogomoši le ba kgopo ka moka ba tla etša mahlaka.+ Letšatši leo le tlago le tla ba tšhuma,” o re’alo Jehofa wa madira, “moo go ka se kego gwa šala modu goba thabe ya lekala.+  Lena bao le boifago leina la ka le tla hlabelwa ke letšatši+ la go loka la mahlasedi ao a fodišago;+ le tla kgana go etša dinamane tšeo di nontšhitšwego.”+  “Le tla gatakela ba kgopo, letšatšing leo ke tlago go gata mogato ba tla ba bjalo ka lerole tlase ga dinao tša lena,”+ o re’alo Jehofa wa madira.  “Gopolang molao wa Moshe mohlanka wa ka wo ke mo laetšego wona Horebe mabapi le Isiraele ka moka, gaešita le ditaelo le dikahlolo tša ka.+  “Tsebang! Ke le romela moporofeta Eliya+ pele ga ge letšatši le legolo le leo le boifišago la Jehofa le etla.+  O tla dira gore dipelo tša botate di swane le tša bana ba bona gomme dipelo tša bana di swane le tša botatago bona;* e le gore ke se ke ka fediša lefase.”+

Mengwalo ya tlase

Goba, “o tla retollela dipelo tša botate go barwa ba bona gomme a retollele dipelo tša barwa go botatago bona.”