Eya go dikagare

Eya go menyu wa bobedi

Eya go lelokelelo la dikagare

Dihlatse tša Jehofa

Sepedi

Beibele Inthaneteng | PHETOLELO YA LEFASE LE LEFSA YA MANGWALO A MAKGETHWA

Diema 31:1-31

31  Mantšu a kgoši Lemuele, molaetša+ o bohlokwa woo mmagwe a mo filego wona e le go mo laya šo:+  Ke re’ng go wena morwa wa ka, wena seenywa sa mmele wa ka,+ wena morwa yo ke dirilego dikeno ka yena?+  O se nee mosadi matla+ a gago goba wa gafela tsela ya gago ya bophelo dilong tšeo di fedišago dikgoši.+  Go rona dikgoši, wena Lemuele, go rona dikgoši go nwa beine goba gore matona a re: “Bjala bo kae?”+  Gore motho a se ke a nwa ke moka a lebala taelo gomme a kgopamiša moahlolelo wa mang le mang yo e lego mohlaki.+  Neang yo a lego kgauswi le go hwa+ bjala gomme le nee bao ba kwelego bohloko beine.+  Anke motho a nwe a lebale bodiidi bja gagwe, a lebalele matshwenyego a gagwe sa ruri.  Bula molomo o bolelele yo a sa kgonego go bolela,+ bula molomo o emelele bohle bao ba lego kgauswi le go hwa.+  Bula molomo wa gago, o ahlole ka go loka gomme o emelele mohlaki le modiidi.+ א [ʼAʹleph] 10  Mosadi wa mekgwa e mebotse a ka hwetšwa ke mang?+ O bohlokwa kudu go phala maswika a bohlokwa a ka lewatleng. ב [Behth] 11  Pelo ya mong wa gagwe e mmotile gomme mong wa gagwe ga a hloke selo.+ ג [Giʹmel] 12  O bušetša monna wa gagwe ka tše botse e sego ka tše mpe, matšatšing ka moka a bophelo bja gagwe.+ ד [Daʹleth] 13  O hweditše boya le lešela, o dira mošomo le ge e le ofe wo diatla tša gagwe di thabelago go o dira.+ ה [Heʼ] 14  O ipontšhitše a etša dikepe tša barekiši.+ Dijo tša gagwe o tla le tšona di etšwa kgole. ו [Waw] 15  Le gona o tsoga e sa le bošego+ a nea ba lapa la gagwe dijo gomme a nea bahlanka ba gagwe ba basadi tšeo di ba lekanego.+ ז [Zaʹyin] 16  O rerile go reka tšhemo gomme a e hwetša;+ o bjetše serapa sa merara ka go šoma ka diatla tša gagwe.+ ח [Chehth] 17  O itokišeditše go šoma mešomo e thata gomme o tiiša matsogo a gagwe.+ ט [Tehth] 18  O bone gore kgwebo ya gagwe e sepela gabotse; bošego lebone la gagwe ga le time.+ י [Yohdh] 19  O swere toloki ka diatla tša gagwe gomme diatla tša gagwe di swere sedirišwa sa go loga.+ כ [Kaph] 20  O khupurollela bahlaki seatla sa gagwe, o swere badiidi ka diatla tša gagwe.+ ל [Laʹmedh] 21  Marega ga a tšhogele ba lapa la gagwe, ka gobane bohle ba lapa la gagwe ba hlatlagantše diaparo.+ מ [Mem] 22  O itiretše mašela+ a go ala. Diaparo tša gagwe ke tša lešela la linene le boya bjo bo tailwego ka mmala wa bophepolo bjo bohwibidu.+ נ [Nun]  23  Mong wa gagwe+ ke motho yo a tsebegago ge a dula le banna ba bagolo dikgorong+ tša motse. ס [Saʹmekh] 24  O roka diaparo tša ka gare+ a di rekiša, a nea bagwebi mapanta. ע [ʽAʹyin] 25  Diaparo tša gagwe ke matla le kgodišo,+ ga a tshwenyege ka letšatši la ka moso.+ פ [Peʼ] 26  O bula molomo wa gagwe ka bohlale,+ molao wa botho o lelemeng la gagwe.+ צ [Tsa·dhehʹ] 27  O šetša tšeo di dirwago lapeng la gagwe, ga a je dijo tša bobodu.+ ק [Qohph] 28  Bana ba gagwe ba a ema ba re o thabile;+ mong wa gagwe o a ema gomme a mo reta.+ ר [Rehsh] 29  Go na le barwedi+ ba bantši bao ba bontšhitšego mekgwa e mebotse, eupša ge e le wena—o ba phadile ka moka ga bona.+ ש [Shin] 30  Go bogega go a fora+ gomme botse ke lefeela;+ eupša mosadi yo a boifago Jehofa o ikhweletša theto.+ ת [Taw] 31  Mo neeng dienywa tša diatla tša gagwe+ gomme mediro ya gagwe e mo rete dikgorong.+

Mengwalo ya tlase