Eya go dikagare

Eya go menyu wa bobedi

Eya go lelokelelo la dikagare

Dihlatse tša Jehofa

Sepedi

Beibele Inthaneteng | PHETOLELO YA LEFASE LE LEFSA YA MANGWALO A MAKGETHWA

Dillo tša Jeremia 4:1-22

א [ʼAʹleph] 4  Joo nna! Gauta yeo e phadimago e swifetše, yona gauta e botse kudu!+ Joo nna! Maswika a makgethwa*+ a gašantšwe mekgotheng ka moka!+ ב [Behth]   Ge e le bana ba bohlokwa ba Tsione,+ e lego bao ba kilego ba ba bohlokwa bjalo ka gauta e sekišitšwego, Ba be ba tšewa kudu gakaakang ba etša dibjana tše dikgolo tša letsopa, e lego modiro wa seatla sa mmopi yo a bopago ka letsopa!+ ג [Giʹmel]   Gaešita le diphukubje di ntšhitše mekaka. Di amušitše bana ba tšona. Morwedi wa batho ba ka o sehlogo+ go etša dimpšhe tša lešokeng.+ ד [Daʹleth]   Leleme la yo a amušwago le kgomaretše magalagapeng a gagwe ka baka la lenyora.+ Bana ba kgopetše dijo.+ Ga go yo a ba fago tšona.+ ה [Heʼ]   Bao ba bego ba eja tše di bose ba tlabegile mekgotheng.+ Bao ba bego ba apere diaparo tša theko e kgolo+ ba ile ba swanelwa ke go fatafata dithotobolong tša melora,+ ba leka go hwetša sa go ja. ו [Waw]   Kotlo ya molato wa morwedi wa batho ba ka le yona ke e kgolo go feta kotlo ya sebe sa Sodoma,+ Yeo e ilego ya phekgolwa ka ponyo ya leihlo, le yeo go sego diatla tšeo di ilego tša e thuša.+ ז [Zaʹyin]   Banasari+ ba gagwe ba be ba sekile go feta kapoko;+ ba be ba šweufetše go feta maswi. Ge e le gabotse, ba be ba hwibitše+ kudu go feta maswika a bohlokwa a ka lewatleng;* ba be ba phadima go etša leswika le bohlokwa leo le bitšwago safire.+ ח [Chehth]   Ba ntshofetše wa mošidi. Ga ba tsebje mekgotheng.+ Letlalo la bona le kgomaretše marapong a bona.+ Le omile go etša sehlare. ט [Tehth]   Bao ba bolailwego ka tšhoša+ ba be ba phala bao ba bolailwego ke tlala,+ Ka gobane bona ba felelwa ke matla ka baka la go hloka dijo tša mašemong, go le bjalo ka ge eka ba hlabilwe. י  [Yohdh] 10  Diatla tša basadi bao ba nago le lešoko di apeile bana ba bona,+ Ya ba dijo tša bona tšeo di ba homotšago nakong ya go senywa ga morwedi wa batho ba ka.+ כ [Kaph] 11  Jehofa o bontšhitše pefelo ya gagwe.+ O tšholotše bogale bja gagwe bjo bo fišago.+ O fiša Tsione ka mollo woo o jago metheo ya yona.+ ל [Laʹmedh] 12  Dikgoši tša lefase le badudi ka moka ba lefase ga se ba dumela+ Gore moganetši yo e lego lenaba a ka tla dikgorong tša Jerusalema.+ מ [Mem] 13  Ka baka la dibe tša baporofeta ba yona le melato ya baperisita ba yona,+ Go yona go be go na le bao ba tšhollago madi a ba lokilego.+ נ [Nun] 14  Ba be ba phopholetša mekgotheng+ bjalo ka difofu.+ Ba šilafaditšwe ke madi,+ E le gore go se be le yo a kgwathago diaparo tša bona.+ ס [Saʹmekh] 15  Ba ba hlabetše mokgoši, ba re: “Tlogang mo! Le šilafetše!+ Tlogang mo! Tlogang mo! Le se ke la re kgwatha!”+ Ba be ba hloka magae.+ Ba ralala.+ Batho ba ditšhaba ba itše: “Ba ka se hlwe ba dula e le badiiledi.+ פ [Peʼ] 16  Sefahlego sa Jehofa se ba gašantše.+ A ka se sa ba lebelela.+ Batho ba ka se kwele baperisita+ bohloko. Ba ka se gaugele le batšofadi.”+ ע [ʽAʹyin] 17  Ge re sa dutše re le gona, mahlo a rena a lapela lefeela ka baka la go nyaka thušo.+ Ge re dutše re lealea, re ile ra lebelela setšhabeng seo se ka se re phološego+ צ [Tsa·dhehʹ] 18  Ba ile ba re lota mehlala+ e le gore re se sepele marekišetšong a rena. Bofelo bja rena bo kgauswi. Matšatši a rena a fedile, ka gobane bofelo bja rena bo fihlile.+ ק [Qohph] 19  Bao ba bego ba re kitimiša ba be ba feta dintšhu tša legodimo ka lebelo.+ Ba be ba re hlomere dithabeng,+ ba re laletše lešokeng.+ ר [Rehsh] 20  Yo re bego re phela ka yena,+ motlotšwa wa Jehofa,+ o thopilwe moleteng wa bona o mogolo.+ Yena yo re itšego ka yena: “Re tla phela gare ga ditšhaba+ re le moriting wa gagwe.”+ ש [Sin] 21  Wena morwedi wa Edomo+ yo a dulago nageng ya Utsi,+ hlalala gomme o thabe.+ Senwelo se tla fetišetšwa go wena.+ O tla tagwa gomme wa hlobola.+ ת [Taw] 22  Wena morwedi wa Tsione, molato wa gago o fedile.+ A ka se sa go iša bothopša.+ O bone molato wa gago, wena morwedi wa Edomo. O bipolotše dibe tša gago.+

Mengwalo ya tlase

Goba, “maswika a sekgethwa.”
Mo maswika a bohlokwa a šupa go dikorale.”