^{א [ʼAʹleph]} 3  Nna ke monnatia yo a hlakišitšwego+ ka baka la lehlotlo la kgalefo ya gagwe.  ²  Yena o ntlhahlile gomme a ntshepediša leswiswing e sego seetšeng.+  ³  O nkemišeditše seatla sa gagwe gore a lwe le nna letšatši ka moka.+ ^{ב [Behth]  4}  O hlagaditše nama ya ka le letlalo la ka,+ a roba le marapo a ka.+  ⁵  O nkageletše ka morako a ntikanetša+ ka dimela tša mpholo+ le ditlaišego.  ⁶  O ntudišitše mafelong a leswiswi+ go etša batho ba ba hwilego kgale.+ ^{ג [Giʹmel]  7}  O nthibetše bjalo ka ge eka ke ka morako wa maswika, e le gore ke se ke ka tšwa.+ A ntlema ka ditlemo tša koporo+ tše boima.  ⁸  Le gona, ge ke kgopela go thušwa gomme ke llela go hlakodišwa, o thibela thapelo ya ka.+  ⁹  O thibetše ditsela tša ka ka leswika le le betlilwego,+ a kgopamiša ditsela tša ka.+ ^{ד [Daʹleth] 10}  O etša bere e ntaletšego,+ o etša le tau e lego mafelong a go ikuta.+ ¹¹  O šarakantše ditsela tša ka, a ntira gore ke etše molala gomme a ntira lešope.+ ¹²  O ngangile bora bja gagwe+ gomme a ntebantšha ka mosebe.+ ^{ה [Heʼ] 13}  O ntlhabile ka mesebe ya kgotlopo ya gagwe dipshiong.+ ¹⁴  Ke segwa+ ke batho ka moka bao ba lwago le nna, ke hlwa ke le kopelo ya bona letšatši ka moka.+ ¹⁵  O nkhorišitše tše di galakago,+ a nnweša lengana.+ ^{ו [Waw] 16}  O nkgetlotše meno ka lekgwara,+ a nkgatakela moloreng.+ ¹⁷  O ntahlile moo moya wa ka o bilego o se na khutšo. Ke lebetše gore botse ke eng.+ ¹⁸  Ke duletše gore: “Letago la ka le tšeo ke di letetšego go Jehofa di senyegile.”+ ^{ז [Zaʹyin] 19}  Gopola go hlakišwa ga ka le go hloka ga ka legae,+ o gopole gore ke ja lengana le dimela tša mpholo.+ ²⁰  Moya wa gago o tla nkgopola gomme wena wa inamela go nna.+ ²¹  Se ke tla se gopola pelong ya ka.+ Ke ka baka leo ke tlago go leta.+ ²²  Ke ka baka la ditiro tša botho+ bja Jehofa ge re sa fedišwa,+ ka gobane dikgaugelo tša gagwe di ka se fele.+ ²³  O di bontšha mesong e mengwe le e mengwe.+ Go botega ga gago ke mo gogolo kudu.+ ²⁴  Moya wa ka o itše: “Jehofa ke kabelo ya ka,+ ke ka baka leo ke tla mo letago.”+ ^{ט [Tehth] 25}  Jehofa o lokile go yo a mo holofetšego+ le go yo a mo tsomago.+ ²⁶  Go botse gore motho a letele+ phološo ya Jehofa+ a ikhomoletše.+ ²⁷  Go botse gore monna a rwale joko bofseng bja gagwe.+ ^{י [Yohdh] 28}  A a dule a nnoši gomme a ikhomolele,+ ka gobane o ithwešitše morwalo.+ ²⁹  A a inamele fase mmung ka sefahlego.+ Mohlomongwe kholofelo e ka ba gona.+ ³⁰  A a sekegele lerama la gagwe go yo a mo otlago.+ A a rwale kgobogo ya gagwe ka botlalo.+ ^{כ [Kaph] 31}  Jehofa a ka se lahle motho go iša mehleng ya neng le neng.+ ³²  Gaešita le ge a bakile manyami,+ o bile o tla gaugela go ya ka botho bja gagwe bjo bogolo.+ ³³  Pelong ya gagwe ga a kgahlwe ke go hlakiša goba go kweša bana ba batho bohloko.+ ^{ל [Laʹmedh] 34}  Go gatakela+ bagolegwa ka moka ba lefase,+ ³⁵  Go hlokomologa kahlolo ya monnatia pele ga sefahlego sa Yo Godimodimo,+ ³⁶  Go hlalefetša motho tshekong, Jehofa ga se a go amogela.+ ^{מ [Mem] 37}  Ke mang yo a boletšego gore taba e direge mola Jehofa yena a se a laela?+ ³⁸  Molomong wa Yo Godimodimo ga go tšwe tše mpe gwa ba gwa tšwa tše botse.+ ³⁹  Go re’ng motho a belaela,+ monnatia a belaela ka baka la sebe sa gagwe?+ ^{נ [Nun] 40}  Anke re nyakeng ditsela tša rena gomme re di latišišeng,+ le gona anke re boeleng go Jehofa.+ ⁴¹  A re išeng dipelo tša rena go Modimo magodimong gomme re emišetšeng diatla tša rena go yena,+ re re: ⁴²  “Rena re sentše gomme re rabetše.+ Wena ga se wa re lebalela.+ ^{ס [Saʹmekh] 43}  O itšhireditše ka bogale,+ wa re hlomara.+ O re bolaile; ga wa ba le lešoko.+ ⁴⁴  O ikapešitše ka leru,+ gore thapelo e se ke ya fihla go wena.+ ⁴⁵  O re dira ditšhila le maudi gare ga merafo.”+ ^{פ [Peʼ] 46}  Manaba a rena ka moka a re ahlamišeditše melomo.+ ⁴⁷  Letšhogo le molete, tšhwalalanyo le go senywa+ di re lebane.+ ⁴⁸  Mahlo a ka a ela melapo ya meetse ka baka la go senywa ga morwedi wa batho ba gešo.+ ^{ע [ʽAʹyin] 49}  Leihlo la ka le tšhologa megokgo gomme ga le kgaotše, mo le bilego le sa khutše,+ ⁵⁰  Go fihlela ge Jehofa a lebelela fase gomme a bona a le legodimong.+ ⁵¹  Moya wa ka o kwele bohloko o šoro ka baka la seo ke se bonego,+ ka baka la barwedi ka moka ba motse wa gešo.*+ ^{צ [Tsa·dhehʹ] 52}  Manaba a ka a ntsomile ka ntle le lebaka+ bjalo ka ge eka a tsoma nonyana.+ ⁵³  A fedišeditše bophelo bja ka moleteng+ gomme a mphoša ka maswika. ⁵⁴  Meetse a eleletše hlogong ya ka,+ ka re: “Ke tla fedišwa!”+ ^{ק [Qohph] 55}  Wena Jehofa, ke biditše leina la gago ke le tlasetlase moleteng.+ ⁵⁶  O kwe lentšu la ka.+ O se ke wa uta tsebe ya gago ge ke kgopela kimollo, wa e uta ge ke llela thušo.+ ⁵⁷  O ile wa batamela letšatšing la ge ke go bitša,+ wa re: “O se ke wa boifa.”+ ^{ר [Rehsh] 58}  Wena Jehofa, o emetše melato ya ka,+ wa rekolla bophelo bja ka.+ ⁵⁹  Wena Jehofa, o bone bobe bjo ke bo dirilwego.+ Hle nkahlolele.+ ⁶⁰  O bone ge ba itefetša go nna, wa bona le dikgopolo ka moka tša bona tše ba ntherilego ka tšona.+ ^{ש [Sin] goba [Shin] 61}  Wena Jehofa, o kwele kgobošo ya bona le dikgopolo ka moka tša bona tše ba ntherilego ka tšona,+ ⁶²  O kwele mantšu a bao ba ntsogelago matla,+ wa kwa le ge ba sebaseba ka nna letšatši ka moka.+ ⁶³  Šetša go dula ga bona fase le go ema ga bona.+ Nna ke kopelo ya bona.+ ^{ת [Taw] 64}  Wena Jehofa, o tla ba lefetša go ya ka mediro ya diatla tša bona.+ ⁶⁵  O tla retetša dipelo tša bona,+ wa ba rogaka.+ ⁶⁶  O tla ba hlomara o galefile gomme wa ba fediša+ ka tlase ga magodimo a Jehofa.+