Dipeakanyo tša go bula

Kgetha leleme

Eya go menyu wa bobedi

Eya go lelokelelo la dikagare

Eya go dikagare

Dihlatse tša Jehofa

Sepedi

Beibele Inthaneteng

PHETOLELO YA LEFASE LE LEFSA YA MANGWALO A MAKGETHWA

Dillo tša Jeremia 2:1-22

א [ʼAʹleph] 2  Bonang kamoo Jehofa bogaleng bja gagwe a apešago morwedi wa Tsione ka leru le leso!+ O lahletše botse bja Isiraele+ fase lefaseng bo etšwa legodimong.+ Le gona ga se a gopola bogato bja dinao+ tša gagwe mohlang wa bogale bja gagwe. ב [Behth]   Jehofa o phušotše mafelo le ge e le afe a bodulo a Jakobo gomme ga se a a šokela.+ Bogaleng bja gagwe o rutlolotše dibo+ tša morwedi wa Juda. O di wišeditše fase+ gomme a goboša mmušo+ le dikgošana tša morwedi wa Juda.+ ג [Giʹmel]   Ka kgalefo ya gagwe o robile lenaka le lengwe le le lengwe la Isiraele.+ Ga se a re thuša ge lenaba le re hlasela;+ Bogale bja gagwe bja tukela Jakobo go etša mollo.+ ד [Daʹleth]   O ngangile bora bja gagwe bjalo ka lenaba.+ Seatla sa gagwe sa le letona+ se ikemišetše go lwa go etša lenaba,+ Gomme o duletše go bolaya bohle bao ba kgahlago mahlo.+ O tšholletše pefelo ya gagwe tenteng+ ya morwedi wa Tsione, bjalo ka mollo.+ ה [Heʼ]   Jehofa o etša lenaba.+ O meditše Isiraele.+ O phušotše dintlo ka moka tša dibo tša Tsione;+ Modimo o sentše dibo tša gagwe.+ O atišitše manyami le dillo go morwedi wa Juda.+ ו [Waw]   O senya o šoro mošaša+ wa yona go etša wola wo o lego serapeng.+ O fedišitše monyanya wa yona. Jehofa o dirile gore Tsione go lebalwe monyanya+ le sabatha, Ge a galefile o šoro ga a hlomphe kgoši le moperisita.+ ז [Zaʹyin]   Jehofa o lahlile aletare ya gagwe.+ O nyaditše sekgethwa sa gagwe.+ O gafetše merako ya dintlo tša dibo tša Tsione diatleng tša manaba.+ Ona a hlabošitše lentšu la ona ntlong ya Jehofa, go etša letšatšing la monyanya.+ ח [Chehth]   Jehofa o naganne go senya morako+ wa morwedi wa Tsione. O otlolotše lenti la go ela.+ Ga se a gomiša seatla sa gagwe go senya.+ O phušola morako wa tšhireletšo le leboto.+ Ka moka ga tšona di wele. ט [Tehth]   Dikgoro tša Tsione+ di sobeletše fase lefaseng. Modimo o sentše le go pšhatlaganya mapheko a yona. Kgoši ya yona le dikgošana di gare ga ditšhaba.+ Ga go na molao.+ Baporofeta ba yona le bona ga se ba hwetša pono e tšwago go Jehofa.+ י [Yohdh] 10  Banna ba bagolo ba morwedi wa Tsione ba dutše fase, moo ba ikhomoletšego gona.+ Ba itšhetše lerole dihlogong tša bona.+ Ba apere mekotla.+ Dikgarebe tša Jerusalema di inamišeditše dihlogo tša tšona fase.+ כ [Kaph] 11  Mahlo a ka a lapišitšwe ke go tšwa megokgo.+ Mala a ka a huduegile.+ Sebete sa ka se wetše fase+ ka baka la go wa ga morwedi wa setšhaba sa ka,+ Le ka baka la go idibala ga ngwana le ga yo a amušwago marekišetšong a motse.+ ל [Laʹmedh] 12  Ba duletše go re go bommago bona: “Mabele le beine di kae?”+ Ka ge ba idibala go etša motho yo a bolailwego ka sehlogo marekišetšong a motse, Le ka ge ba hwela dihubeng tša bommago bona. מ [Mem] 13  Nka go nea eng e le bohlatse? Nka go swantšha le eng, wena morwedi wa Jerusalema?+ Nka go lekanya le eng gore ke go homotše, wena kgarebe yeo e lego morwedi wa Tsione?+ Ka gobane go wa+ ga gago ke mo gogolo go etša lewatle. Ke mang yo a ka go fodišago?+ נ [Nun] 14  Baporofeta ba gago ba go boditše dipono tše di hlokago mohola le tše di sa kgotsofatšego,+ Gomme ga se ba bipolla molato wa gago e le gore ba go thibele gore o se ke wa išwa bothopša,+ Eupša ba duletše go go botša dipono tše di hlokago mohola le dipolelo tše di timetšago.+ ס [Saʹmekh] 15  Ka moka bao ba fetago ka tsela ba go opela diatla.+ Ba leditše molodi ka go kgotsa,+ ba šišinyetša morwedi wa Jerusalema dihlogo tša bona,+ ba re: “Na wo ke motse wo ba bego ba bolela ka wona ba re: ‘O botse kudu, o hlalalelwa ke lefase ka moka’?”+ פ [Peʼ] 16  Manaba a gago ka moka a go ahlamišeditše melomo.+ A go leleditše molodi ka go kgotsa gomme a lomantšha meno a ona.+ A re: “Re tla mo metša.+ Ruri le ke letšatši leo re bego re le holofetše.+ Le re fihletše! Re le bone!”+ ע [ʽAʹyin] 17  Jehofa o dirile seo a bego a se naganne.+ O phethile lentšu la gagwe,+ E lego seo a bego a se laetše go tloga mehleng ya kgalekgale.+ O phušotše gomme a se ke a šokela.+ O dirile gore lenaba le thabe ka wena.+ O phagamišitše lenaka* la manaba a gago.+ צ [Tsa·dhehʹ] 18  Dipelo tša bona di llela Jehofa,+ wena morako wa morwedi wa Tsione.+ Ediša megokgo go etša lefula ge le ela mosegare le bošego.+ O se ke wa ikhwiša bogatšu. Mahlo a gago a se ke a lesa go lla. ק [Qohph] 19  Tsoga gomme o lle bošego ge go thoma ditlhapetšo tša mesong.+ Tšhollela tša pelo+ ya gago pele ga sefahlego+ sa Jehofa go etša meetse. Mo emišetše diatla tša gago+ ka lebaka la moya wa bana ba gago, Bao ba idibalago ka baka la tlala mekgotheng.+ ר [Rehsh] 20  Wena Jehofa, bona gomme o lebelele+ yo o mo otlilego o šoro ka mokgwa wo. Na basadi ba tla dulela go ja dienywa tša bona, e lego bana ba bona bao ba belegwego ba phetše gabotse,+ Goba na moperisita le moporofeta ba tla bolaelwa sekgethweng sa Jehofa?+ ש [Shin] 21  Mošemane le mokgalabje+ ba rapaletše fase mekgotheng.+ Dikgarebe tša ka le masogana a ka ba bolailwe ka tšhoša.+ O ba bolaile letšatšing la bogale bja gago.+ O ba hlabile;+ ga se wa ba šokela.+ ת [Taw] 22  Go etša letšatšing la monyanya,+ o ile wa  rapa badudi ba metse ya ka moo go dulago badiiledi. Letšatšing la bogale bja Jehofa ga se gwa ba le mophonyokgi goba mophologi;+ Bao ke ba belegego ba phetše gabotse e bile ke ba godišitše, lenaba la ka le ba fedišitše.+

Mengwalo ya tlase

Gantši ka Beibeleng lenaka la phoofolo le dirišwa e le seka sa matla goba bolaodi.