Eya go dikagare

Eya go menyu wa bobedi

Eya go lelokelelo la dikagare

Dihlatse tša Jehofa

Sepedi

Beibele Inthaneteng | PHETOLELO YA LEFASE LE LEFSA YA MANGWALO A MAKGETHWA

Dillo tša Jeremia 1:1-22

א [ʼAʹleph] 1  Bona kamoo o dutšego lekatana ka gona,+ wona motse wo o bego o tletše batho!+ Bona kamoo o etšago mohlologadi+ ka gona, wona motse wo o bego o tumile gare ga ditšhaba!+ Bona kamoo motse wo e bego e le kgošigatšana gare ga dilete o lego lekgoba+ ka gona! בס [Behth]   Bošego o lla gabohloko,+ o ela megokgo marameng a wona.+ Ga go le o tee wa baratiwa+ ba wona ka moka yo a o homotšago. Bagwera ba wona ka moka ba o radiile.+ Ba fetogile manaba a wona.+ גס [Giʹmel]   Juda e ile bothopša ka baka la go hlakišwa+ le ka baka la boati bja mošomo wa bokgoba.+ Yona ka boyona e ile ya swanelwa ke go dula gare ga ditšhaba.+ Ga se ya ka ya hwetša lefelo la boikhutšo. Ka moka bao ba bego ba e hlomere ba e swere e le tlalelong.+ דס [Daʹleth]   Ditsela tša Tsione di a lla ka gobane ga go na bao ba tlago monyanyeng.+ Dikgoro tša yona ka moka di tlogetšwe e le mašope;+ baperisita ba yona ba a fegelwa.+ Dikgarebe tša yona di wetšwe ke manyami gomme yona e kwele bohloko.+ הס [Heʼ]   Manaba a yona a a laola.+ Bao e lego manaba a yona ga ba tshwenyege.+ Ka gobane Jehofa o e tlišeditše manyami ka baka la boati bja dikarogo tša yona,+ Bana ba yona ba ile bothopša ba sepela pele ga lenaba.+ וס [Waw]   Letago ka moka la morwedi wa Tsione le tlogile go yena.+ Dikgošana tša gagwe di ipontšhitše di le bjalo ka dikgama tše ditona tšeo di sego tša hwetša mafulo;+ Gomme di sepela di se na matla pele ga bao ba di hlomerego.+ זס [Zaʹyin]   Mehleng ya ge Jerusalema e hlakišwa gomme batho ba yona ba hloka magae e ile ya gopola Dilo tša yona ka moka tšeo di rategago tša go tloga mehleng ya bogologolo.+ Nakong ya ge batho ba yona ba be ba wela seatleng sa lenaba e bile e se na mothuši,+ Manaba a ile a e bona. A ile a sega go wa ga yona.+ חס [Chehth]   Jerusalema e dirile sebe seo se lego molaleng.+ Ke ka lebaka leo e fetogilego selo feela seo se hlaswegago.+ Bohle bao ba bego ba e godiša ba ile ba e nyatša,+ ka gobane ba bone bofeela bja yona.+ Le yona e a fegelwa+ gomme e a furalela. טס [Tehth]   Go se hlweke ga yona go diaparong tša yona.+ Ga se ya ka ya gopola ka bokamoso bja yona,+ Gomme e wela fase ka tsela e tšhošago. Ga e na mohomotši.+ Wena Jehofa, bona mohlako+ wa ka, gobane lenaba le a ikgantšha.+ יס [Yohdh] 10  Lenaba le atlalaleditše seatla sa lona dilong tša yona ka moka tšeo di rategago.+ Ka gobane e bone ditšhaba tšeo di tsenego sekgethweng sa yona,+ Tšona tšeo o di laetšego gore di se tle phuthegong ya gago. כס [Kaph] 11  Batho ba yona ka moka ba a fegelwa; ba nyaka senkgwa.+ Ba gafile dilo tša bona tšeo di rategago gore ba hwetše seo ba ka se jago, e le gore ba lapološe moya wa bona.+ Bona hle, Jehofa, anke o lebelele, ka gobane ke bjalo ka ge eka ke mosadi yo a hlokago mohola.+ לס [Laʹmedh] 12  Lena ka moka bao le fetago ka tsela, na se ga se selo go lena? Lebelelang le bone.+ Na go na le bohloko bjo bo swanago le bohloko bja ka bjo ke otlilwego o šoro ka bjona,+ Bjoo ka bjona Jehofa a bakilego manyami letšatšing la bogale bja gagwe bjo bo tukago?+ מס [Mem] 13  Yena o rometše mollo marapong a ka+ a le kua godimo, a fenya lerapo le lengwe le le lengwe. O lahletše lokwa dinaong tša ka.+ O nkgomišitše. O ntirile gore ke etše mosadi yo a lahlilwego. Ke hlwa ke babja letšatši ka moka.+ נס [Nun] 14  O dula a phafogetše dikarogo tša ka.+ Di logagane seatleng sa gagwe. Di ntutše molaleng.+ Matla a ka a fedile. Jehofa o nkgafetše seatleng sa bao ke sa kgonego go emeletšana le bona.+ ס [Saʹmekh] 15  Jehofa o tlošitše dinatla tša ka ka moka.+ O mpileditše pitšo, gore a pšhatlaganye masogana a ka.+ Jehofa o gataketše segatelo sa morara+ sa kgarebe yeo e lego morwedi wa Juda.+ ע [ʽAʹyin] 16  Ke llela dilo tše go etša mosadi.+ Leihlo la ka, leihlo la ka le ela meetse.+ Mohomotši o kgole le nna, yena motho yo a ka lapološago moya wa ka. Bana ba ka ba lahlilwe,+ ka gobane lenaba le a ikgantšha.+ פ [Peʼ] 17  Tsione e atlaladitše diatla tša yona.+ Ga e na mohomotši.+ Jehofa o ntšhitše taelo mabapi le Jakobo go bohle bao ba mo dikologilego e le manaba a gagwe.+ Jerusalema e fetogile selo seo se hlaswegago gare ga bona.+ צ [Tsa·dhehʹ] 18  Jehofa o lokile,+ ke nna ke rabetšego ditaelong tša gagwe.+ Bjale theetšang, lena merafo ka moka, gomme le bone bohloko bja ka. Dikgarebe tša ka le masogana a ka ba ile bothopša.+ ק [Qohph] 19  Ke biditše bao ba nthatago kudu.+ Bona ba nthadiile. Baperisita ba ka le banna ba ka ba bagolo ba fedile motseng,+ Mola ba be ba swanetše go inyakela seo ba ka se jago gore ba lapološe moya wa bona.+ ר [Rehsh] 20  Bona, Jehofa, ke mathateng. Mala a ka a huduegile.+ Pelo ya ka e tlalelong,+ ka gobane ke rabetše e le ruri.+ Kua ntle tšhoša e nkamogile bana.+ Le ka ntlong go a hwiwa.+ ש [Shin] 21  Batho ba kwele kamoo ke fegelwago ka gona go etša mosadi.+ Ga ke na mohomotši.+ Manaba a ka ka moka a kwele ka masetlapelo+ a ka. A ile a hlalala, ka gobane ke wena o dirilego seo.+ O tla tliša letšatši leo o le tsebaditšego,+ gore a swane le nna.+ ת [Taw] 22  Eka bobe bja ona ka moka bo ka tla pele ga gago gomme o a otle o šoro,+ Go etša ge o ile wa nkotla o šoro ka baka la dikarogo tša ka ka moka.+ Diphegelo tša ka ke tše dintši+ gomme pelo ya ka e a babja.+

Mengwalo ya tlase