Dipeakanyo tša go bula

Kgetha leleme

Eya go menyu wa bobedi

Eya go lelokelelo la dikagare

Eya go dikagare

Dihlatse tša Jehofa

Sepedi

Beibele Inthaneteng

PHETOLELO YA LEFASE LE LEFSA YA MANGWALO A MAKGETHWA

2 Samuele 13:1-39

13  Abesalomo+ morwa wa Dafida o be a na le kgaetšedi e botse yeo leina la yona e bego e le Thamara.+ Ka morago ga dilo tšeo, Aminone+ morwa wa Dafida o ile a mo rata.+  Aminone o ile a tshwenyega kudu mo a ilego a babja+ ka baka la Thamara kgaetšedi ya gagwe, ka ge e be e le kgarebe e bile go be go le thata go Aminone gore a mo dire selo le ge e le sefe.+  Aminone o be a na le mogwera yo leina la gagwe e lego Jehonadaba+ morwa wa Shimia,+ ngwanabo Dafida; Jehonadaba e be e le monna yo bohlale kudu.  Ke moka a re go Aminone: “Ke ka baka la’ng wena morwa wa kgoši o dula o nyamile mesong e mengwe le e mengwe?+ Anke o mpotše.”+ Aminone a re: “Ke rata Thamara kgaetšedi ya Abesalomo ngwanešo.”+  Jehonadaba a re go yena: “Robala malaong a gago o itire eka o a babja.+ Tatago o tla tla a tlo go bona gomme wena o re go yena: ‘Ke kgopela gore o botše Thamara kgaetšedi ya ka a tle a mpone. A ntirele dijo tšeo di direlwago molwetši ke mo lebeletše gomme a mphe tšona. Ke moka ke tla ja.’”+   Aminone a robala a itira eka o a babja+ gomme kgoši ya tla go tlo mmona. Aminone a re go kgoši: “Hle botša Thamara kgaetšedi ya ka a ntirele dinkgwa tše pedi ke mo lebeletše gore ke jele senkgwa seo se direlwago molwetši seatleng sa gagwe.”  Dafida a romela lentšu go Thamara a le ntlong, a re: “Hle eya ntlong ya Aminone kgaetšedi ya gago o yo mo direla senkgwa sa go mo homotša.”  Thamara a ya ntlong ya Aminone+ kgaetšedi ya gagwe nakong ya ge a be a robetše. A tšea hlama a e duba a dira dinkgwa Aminone a mo lebeletše.  Thamara a tšea pane ya nkoti a ntšhetša dinkgwa pele ga Aminone, eupša Aminone a gana go ja a re: “Botšang batho ka moka gore ba tšwe ka mo!”+ Ke moka batho ka moka ba tšwa. 10  Aminone a re go Thamara: “Ntlišetše senkgwa sa khomotšo ka phapošing ya ka gore ke se je se le seatleng sa gago bjalo ka senkgwa se se direlwago molwetši.” Thamara a tšea dinkgwa tšeo a di dirilego a di tliša ka phapošing ya Aminone kgaetšedi ya gagwe. 11  Ya re ge Thamara a mmatamela gore a je, Aminone a mo ubula gateetee+ a re go yena: “Robala le nna,+ kgaetšedi ya ka.”+ 12  Thamara a re go yena: “Anke go se be bjalo, kgaetšedi ya ka! O se ke wa nkgoboša;+ ka gobane tše bjalo ga di dirwe Isiraeleng.+ O se ke wa dira bošilo bjo bjo bo hlabišago dihlong.+ 13  Ke tla iša kae kgobošo ya ka? Le gona wena o tla ba bjalo ka banna ba hlokago tlhaologanyo Isiraeleng. Hle bolela le kgoši; yena a ka se ke a gana go go nea nna.” 14  Aminone a gana go mo theetša, eupša a mo fenya ka matla gomme a mo goboša+ ka go robala le yena.+ 15  Aminone a mo hloya ka lehloyo le legolo kudu, ka gobane lehloyo leo a bego a mo hloile ka lona e be e le le legolo go feta lerato leo a bego a mo rata ka lona, ke moka a re go yena: “Ema gomme o tloge mo!” 16  Thamara a re go yena: “Aowa kgaetšedi ya ka; bobe bjo bjo o bo dirago ka go nthaka ke bjo bogolo kudu go feta bjo o šetšego o bo dirile go nna!” Aminone a gana go mo theetša. 17  A bitša mohlokomedi yo a bego a mo hlankela a re go yena: “Tloša motho yo mo pele ga ka, o mo ntšhetše ka ntle, o notlele mojako ka morago ga ge a tšwile.” 18  (Thamara o be a apere seaparo sa methalothalo;+ ke kamoo barwedi ba kgoši ba dikgarebe ba bego ba apara ka gona.) Ka gona mohlokomedi wa Aminone a ntšhetša Thamara ka ntle gomme a notlela mojako ka morago ga ge a tšwile. 19  Ke moka Thamara a itšhela ka melora+ hlogong gomme a gagola seaparo sa methalothalo seo a bego a se apere; a sepela a rwele diatla hlogong,+ a goeletša ge a dutše a sepela. 20  Abesalomo+ kgaetšedi ya gagwe a re go yena: “Na ke Aminone+ kgaetšedi ya gago yo a bego a na le wena? Homola kgaetšedi ya ka. Yena ke kgaetšedi ya gago.+ Pelo ya gago e se ke ya tshwenywa ke taba ye.” Thamara a itlhaola bathong ba bangwe a dula ntlong ya kgaetšedi ya gagwe Abesalomo. 21  Kgoši Dafida a kwa ka dilo tše ka moka+ gomme a galefa kudu.+ 22  Abesalomo a se re selo go Aminone; Abesalomo a hloya+ Aminone ka ge a gobošitše Thamara kgaetšedi ya gagwe. 23  Ka morago ga nywaga e mebedi Abesalomo a ba le bakoti ba dinku+ kua Baali-hatsoro kgauswi le Efuraime;+ a laletša bana ba kgoši ka moka.+ 24  Abesalomo a tla go kgoši a re: “Mohlanka wa gago o na le bakoti ba dinku! Hle anke kgoši le bahlanka ba yona ba sepele le mohlanka wa yona.” 25  Eupša kgoši ya re go Abesalomo: “Aowa morwa wa ka! Hle anke re se ye ka moka, gore re se be morwalo go wena.” Le ge Abesalomo a ile a e phegelela,+ kgoši ga se ya dumela go sepela eupša e ile ya mo šegofatša.+ 26  Abesalomo a re: “Ge e ba o sa sepele le rena, gona anke Aminone ngwanešo a sepele le rena.”+ Kgoši ya re go yena: “Ke ka baka la’ng a swanetše go sepela le wena?” 27  Abesalomo a phegelela kgoši,+ mo e ilego ya dumelela Aminone le bana ka moka ba kgoši gore ba sepele le yena. 28  Abesalomo a laela bahlokomedi ba gagwe a re: “E tla re ge le bona pelo ya Aminone e thabišitšwe ke beine,+ nna ke tla le laela ka re: ‘Bolayang Aminone!’ Lena le mmolaye. Le se ke la boifa.+ Ke nna yo ke le laelago gore le dire se. Tiang matla gomme le be bagale.” 29  Bahlokomedi ba Abesalomo ba dira Aminone seo Abesalomo a ba laetšego gore ba mo dire sona;+ bana ba bangwe ka moka ba kgoši ba ema, yo mongwe le yo mongwe wa bona a namela meila ya gagwe a tšhaba. 30  Ya re ge ba sa le tseleng, Dafida a begelwa gore: “Abesalomo o bolaile bana ba kgoši ka moka gwa se šale le o tee wa bona.” 31  Kgoši ya ema ya gagola diaparo tša yona+ ya rapalala fase,+ bahlanka ba yona ka moka ba be ba eme kgauswi le yona ba gagotše diaparo tša bona.+ 32  Lega go le bjalo Jehonadaba+ morwa wa Shimia+ ngwanabo Dafida a re: “Anke mong wa ka a se ke a nagana gore ke masogana ka moka, bana ba kgoši, ao a bolailwego, eupša ke Aminone feela yo a hwilego+ ka gobane ka taelo ya Abesalomo go diregile seo yena a bego a se rerile+ go tloga letšatšing leo Aminone a gobošitšego+ Thamara kgaetšedi ya gagwe.+ 33  Anke kgoši mong wa ka a se tšeele godimo lentšu leo le rego: ‘Bana ka moka ba kgoši ba hwile’; eupša ke Aminone feela yo a hwilego.” 34  Ka nako yeo, Abesalomo a tšhaba.+ Ka morago lesogana la mohlapetši+ la lebelela gomme la bona batho ba bantši ba etla ka tsela yeo e bego e le ka morago ga lona e bapilego le thaba. 35  Jehonadaba+ a re go kgoši: “Bana ba kgoši ba fihlile. Go phethagetše seo se boletšwego ke mohlanka wa gago.”+ 36  Ya re gateetee ge a fetša go bolela, bana ba kgoši ba tsena, ba hlaboša mantšu ba lla; kgoši le bahlanka ba yona ka moka le bona ba lla sello se segolo. 37  Abesalomo a tšhabela go Talamai+ morwa wa Amihudi kgoši ya Geshuri.+ Dafida a llela+ morwa wa gagwe ka mehla. 38  Abesalomo a tšhabela Geshuri;+ a dula moo nywaga e meraro. 39  Mafelelong kgoši Dafida a hlologela go yo bona Abesalomo; o be a ikhomoditše mabapi le Aminone ka gobane o be a hwile.

Mengwalo ya tlase