Dipeakanyo tša go bula

Kgetha leleme

Eya go menyu wa bobedi

Eya go dikagare

Dihlatse tša Jehofa

Sepedi

Batho ba Diketekete ba Ithuta go Bala le go Ngwala

Batho ba Diketekete ba Ithuta go Bala le go Ngwala

Ka 2011, Dihlatse tša Jehofa di thušitše batho ba ka godimo ga 5 700 gore ba kgone go bala le go ngwala.

Ghana:

Mengwaga e 25 e fetilego, re thušitše batho ba ka godimo ga 9 000 go ithuta go bala le go ngwala.

Zambia:

Go tloga ka 2002, batho ba e ka bago ba 12 000 ba kaonefaditše go bala le go ngwala. Agnes yo a nago le mengwaga e 82, o re: “Ge diklase tša go ithuta go bala le go ngwala di thoma ka diphuthegong, ke ile ka ikemišetša go ingwadišetša yona. Klaseng ya pele, ke ile ka ithuta go ngwala leina la ka!

Peru:

Morutwana yo mongwe wa nywaga e 55 o ngwadile gore: “Ke be ke sa nagane gore ke tla tsoga ke ithutile go bala le go ngwala ka ge batswadi ba ka ba sa ka ba nkiša sekolong.

Mozambique:

Batho ba ka godimo ga 19 000 ba ithutile go bala mengwageng e 15 e fetilego. Morutwana yo mongwe e lego Felizarda o itše: “Ke thabišwa ke gore ga bjale nka kgona go hwetša le go balela ba bangwe ditemana tša Beibele. Seo se be se le thata kudu go nna peleng.

Dihlakahlakeng tša Solomon:

Ofisi ya rena ya lekala e ngwadile gore: “Nakong e fetilego, batho ba bantši bao ba dulago dikarolong tše lego lekatana ba be ba se na dikolo. Le gona, basetsana ba bantši ba be ba hwetša thuto e nyenyane feela. Ka gona, batho ba bagolo ba be ba holwa ke diklase tše. Ka morago ga go fetša thuto ye, batho ba bantši ba ile ba thoma go ikholofela.”