Dipeakanyo tša go bula

Kgetha leleme

Eya go menyu wa bobedi

Eya go dikagare

Dihlatse tša Jehofa

Sepedi

Holo e Mpsha ya Kopano Kua Dithokgweng tša Amazon

Holo e Mpsha ya Kopano Kua Dithokgweng tša Amazon

Bogareng bja dithokgwa tša Amazon go agilwe Holo e mpsha ya Kopano ya Dihlatse tša Jehofa e botse kudu. Karolo e kgolo ya dihekethara tše 52 (128 a.) ya moago wo e ka gare ga sethokgwa sa ka leboa la toropo ya Manaus kua Brazil. Dinonyane tša mebalabala tšeo di bitšwago macaw, toucan, le tše dingwe di dira melodi ya tšona di le godimo ga dihlare tša cupuaçu, sehlare se segolo sa Brazil nut le sa angelim pedra. Ke ka baka la’ng go agilwe Holo ya Kopano mo?

Toropo ya Manaus—yeo e lego dikhilomithara tše 1 450 go tloga leribeng la Noka ya Amazon—e na le badudi ba ka bago dimilione tše pedi. Holo ye e mpsha e tla šomišwa ke Dihlatse tše 7 000 tšeo di tšwago Manaus le ditoropong tšeo di e dikologilego go akaretša le metsana yeo e bapilego le Amazon le melatswana ya yona. Toropo yeo e lego kgole ya São Gabriel da Cachoeira, e dikhilomithara tše fetago tše 800 ka bodikela bja Manaus. E le gore Dihlatse di be gona dikopanong tše dinyenyane goba tše dikgolo tšeo di swarelwago Holong ya Kopano, tše dingwe di sepela leeto la matšatši a mararo ka seketswana!

Go aga Holo ya Kopano gare ga sethokgwa sa Amazon e be e se modiro o bonolo. O be o akaretša go tliša ditlabakelo tša go aga tšeo di bego di tletše mapokisi a 13 a go rwala merwalo ka sekepe go tloga boemakepeng bja Santos kua São Paulo go bapa le lebopo la Brazil, go ya Nokeng ya Amazon gore di fihle lefelong la go aga.

Holo ye e mpsha ke ya bo-27 ya Diholo tša Kopano tšeo di agilwego kua Brazil, gomme batho ba 1 956 ba ile ba ba gona lenaneong la go neelwa ga Holo ya Kopano ka Sontaga, May 4, 2014. Ba bantši ba be ba thabile kudu ka ge e be e le la mathomo ba swarela kopano ka gare ga Holo ya Kopano.

Bao ba bilego gona kopanong ba ile ba fo se kwe seboledi feela eupša ba ile ba se bona. Ye e bile phetogo e kgolo ka gore ge dikopano tše dinyenyane le tše kgolo di be di swarelwa mafelong ao a hirwago, ba bantši ba be ba sa kgone go bona sethala le seboledi. Hlatse e nngwe e boletše gore: “Ke bile gona dikopanong ka mengwaga e mentši eupša ke be ke sa kgone go bona terama ya Beibele, ke be ke ekwa feela.” Ga bjale yo mongwe le yo mongwe o kgona go bona sethala.

Ithute ka mo go oketšegilego

Ke ka Baka la Eng Dihlatse tša Jehofa di Eya Dikopanong tše Dikgolo?

Re ba le dikopano tše tharo ngwaga le ngwaga. O ka holwa bjang ke dikopano tše?

Diholo tša Mmušo tša Dihlatse tša Jehofa—Ke ka Baka la Eng di Agwa le Gona di Agwa Bjang?

Ke ka baka la’ng mafelo a rena a borapedi a bitšwa Diholo tša Mmušo? Ithute ka mo go oketšegilego kamoo meago ye yeo e sego ya mabaibai e thušago diphuthego tša rena.