Dipeakanyo tša go bula

Kgetha leleme

Eya go menyu wa bobedi

Eya go dikagare

Dihlatse tša Jehofa

Sepedi

Pontšho ya Beibele ya Moswananoši Kua Fora

Pontšho ya Beibele ya Moswananoši Kua Fora

Baeng ba dikete bao ba bego ba tlile Pontšhong ya Ditšhabatšhaba ya 2014 kua Rouen ka leboa la Fora, ba ile ba gogwa mahlo ke e nngwe ya dintlwana tša go bapatša yeo e bego e na le sehlogo seo se rego: “Beibele—Maabane, Lehono le Gosasa.”

Disekirini tšeo di bego di beilwe ka ntle ga ntlwana yeo di be di bapala karolwana ya bidio ya mangwalo a Beibele a bogologolo ao a ngwalolotšwego ka seatla, gomme bidio ye e ile ya tanya šedi ya baeng ba bantši. Ge ba le ka gare, baeng ba be ithuta ka keletšo e šomago ya Beibele, go nepagala ga yona go tša histori le go tša thutamahlale le go phatlalatšwa ga yona ka bontši.

Pontšho yeo e bontšhitše gape le kamoo Beibele e ilego ya tšwela pele e le gona go theoša le mengwaga le gore ga bjale e ka balwa ke batho ba dibilione ka dibopego tše di fapafapanego tša go phrinthiwa goba tša elektroniki. Baeng ba ile ba hwetša kopi ya mahala ya Phetolelo ya Lefase le Lefsa, e lego phetolelo ya Beibele yeo e tšweleditšwego ke Dihlatse tša Jehofa ka maleme a fetago 120.

Baeng ba bantši ba ile ba bontšha tebogo ka kgato yeo e tšerwego ke Dihlatse ya go dira gore Beibele e hwetšwe ke batho ka moka. Ge mošomi yo a šomago ka go thuša bafsa a be bogetše pontšho yeo a na le sehlopha sa bafsa, o itše: “Beibele ke karolo ya bohwa bja rena ka moka. Ke puku e phelago. Ka mehla ge ke e bala, ke hwetša tharollo ya mathata a ka.”

Mokgekolo wa mengwaga e 60 o be a makaditšwe ke go tseba gore a ka ikhweletša kopi ya mahala ya Beibele. O itše: “Ka moka ga rena re swanetše go thoma go e bala ka gobane re a e hloka!”

Ithute ka mo go oketšegilego

Na Phetolelo ya Lefase le Lefsa e Nepagetše?

Ke ka baka la’ng Phetolelo ya Lefase le Lefsa e sa swane le diphetolelo tše dintši tša Beibele?

Ba Gafetšwe Modiro wa go Fetolela “Dipolelo tše Kgethwa tša Modimo.”—Baroma 3:2

Dihlatse tša Jehofa di dirišitše diphetolelo tše dintši lekgolong le fetilego la mengwaga. Ke ka baka la’ng Dihlatse tša Jehofa di fetolela Beibele Seisemaneng sa mehleng yeno?