Dipeakanyo tša go bula

Kgetha leleme

Eya go menyu wa bobedi

Eya go dikagare

Dihlatse tša Jehofa

Sepedi

Dihlatse tša Jehofa di Fihlelela Palo ya Bagoeledi ba 100 000

Dihlatse tša Jehofa di Fihlelela Palo ya Bagoeledi ba 100 000

Ka 1987, Lyman Swingle, setho sa Sehlopha se Bušago sa Dihlatse tša Jehofa, o boletše le batho ba 63 580 bao ba bego ba bokane lefelong la Plaza Monumental bullring Valencia, Venezuela. Ba bantši ba be ba tšere maeto bošego ka moka ka pese go tla go mo theetša. Ngwanabo rena Swingle ge a bolela le lešaba le o itše: “Ga le sa le sehlophana feela sa batho. Ga bjale le sehlopha seo se bonagalago. Go ya ka ponagalo ya dilo, letšatši le lengwe le tla ba sehlopha sa bagoeledi ba 100 000!”

Ka 1987, Venezuela e be e na le bagoeledi ba fetago 38 000—e lego Dihlatse tša Jehofa tšeo di bego di bolela ka ditaba tše di botse tša Mmušo ka mafolofolo. Ka nako yeo, e be e le feela dinaga tše seswai tšeo di bego di na le bagoeledi ba fetago 100 000.

Go oketšega ga Dihlatse lefaseng ka moka e bile selo se kgahlišago kudu. Ka morago ga Ntwa ya Pele ya Lefase, go be go na le Dihlatse tše dikete tše mmalwa feela tšeo di bego di tsebatša Mmušo wa Jehofa. Seo se ile sa fetoga. Puku ya Ngwaga ya Dihlatse tša Jehofa ya 1943 e boletše gore: “Pego yeo e bego e kopantšwe ya 1942, le ge e be e sa felelela ka baka la go hloka boitsebišo bjo bongwe, e bile pego e šegofaditšwego . . . , ka ge e bontšha gore lefaseng ka moka go na le Dihlatse tšeo di bolelago ka Mmušo tše 106 000.” Go sa šetšwe tlhakahlakano yeo e bakilwego ke Ntwa ya Bobedi ya Lefase, ba bantši ba ile ba amogela molaetša wa Beibele gabotse. Ka 1950, United States feela e ile ya ba le Dihlatse tše fetago 100 000 tšeo di bego di bolela ka Mmušo.

Naga yeo e ilego ya latela United States ka go fihlelela palo ya Dihlatse tše 100 000 tšeo di bolelago ka Mmušo e bile Nigeria ka 1974.

Ngwageng o latetšego, palo ya Dihlatse tšeo di bolelago ka Mmušo Brazil le Jeremane e ile ya feta 100 000. Koketšego ye e bilego gona dikontinenteng tše tše nne e bile bohlatse bjo bo kgahlišago bja gore molaetša wa Beibele o amogetšwe lefaseng ka moka.

Lefaseng ka moka, palo ya bao ba amogelago ditaba tše dibotse e sa dutše e oketšega. Se se dumelelana le seo Beibele e se boletšego e sa le pele gore: “Yo monyenyane e tla ba ba sekete (1 000) gomme mmotlana a ba setšhaba se matla. Nna Jehofa, ke tla akgofiša se ka nako ya gona.”—Jesaya 60:22.

Go ya ka pego ya ngwaga wa tirelo wa 2014, go na le dinaga tše 24 tšeo e nngwe le e nngwe ya tšona e nago le Dihlatse tšeo di bolelago ka Mmušo tše fetago 100 000. Dinaga tše di akaretša Venezuela, yeo e fihleletšego palo ye ka 2007. Lefaseng ka moka, go na le diphuthego tše 115 416 tša Dihlatse tša Jehofa le Dihlatse tšeo di bolelago ka Mmušo tše 8 201 545.

Dinaga tšeo di nago le Dihlatse tše fetago 100 000 tšeo di bolelago ka Mmušo

Kontinente

Naga

Dihlatse tšeo di bolelago ka Mmušo

Afrika

Angola

108 607

Congo, Democratic Republic of

216 024

Ghana

125 443

Nigeria

362 462

Zambia

178 481

Asia

Japane

215 703

Repabliki ya Korea

100 641

Philippines

196 249

Yuropa

Brithania

138 515

Fora

127 961

Jeremane

166 262

Italy

251 650

Poland

123 177

Russia

171 268

Sepania

1112 493

Ukraine

150 906

Amerika Leboa

Canada

116 312

Mexico

829 523

United States of America

1 243 387

Amerika Borwa

Argentina

150 171

Brazil

794 766

Colombia

166 049

Peru

123 251

Venezuela

140 226

Ithute ka mo go oketšegilego

Dihlatse tša Jehofa di Rulaganya Bjang Modiro wa Tšona wa Boboledi?

Re latela mohlala wa Jesu ge a be a le mo lefaseng. E mengwe ya mekgwa ya go bolela dibata tše tše dibotse ke efe?