Dipeakanyo tša go bula

Kgetha leleme

Eya go menyu wa bobedi

Eya go dikagare

Dihlatse tša Jehofa

Sepedi

Go Tsebatša JW.ORG Pontšhong ya Dipuku ya Toronto

Go Tsebatša JW.ORG Pontšhong ya Dipuku ya Toronto

Go tloga ka November 13 go ya go 16, 2014, go ile gwa ba le Pontšho ya Dipuku ya Ditšhabatšhaba ya Toronto holong ya Toronto Convention Centre, mo go ilego gwa bontšhwa dipuku tša mehutahuta le tša mohuta wa elektroniki. Batho ba fetago 20 000 ba ile ba tla pontšhong ye ka matšatši ao a mane.

Gare ga bao ba bego ba tlile go bontšha dipuku tša bona, go be go e na le Dihlatse tša Jehofa tšeo di bego di e na le ntlwana ya go kgahliša ya go bontšha dipuku gotee le ditafola tšeo di bego di e na le didirišwa tša elektroniki tšeo di bontšhago kamoo o ka tsenago Wepesaeteng ya jw.org.

Yo mongwe wa balaodi ba tiragalo ye o boletše gore: “Wepesaete ya lena e tloga e le ya sebjalebjale. Ke nagana gore batho bao ba tlilego go bontšha dipuku tša bona ba swanetše go ithuta tsela yeo le dirago dilo ka yona.” Baeng ba boletše gore Wepesaete ya rena e rulagantšwe ka bothakga, go bonolo go e diriša e bile e araba dipotšišo tša bohlokwa bophelong. Ba kgahlilwe gape ke gore Wepesaete ye e thušitše batho go lebeletšana le mathata a bona le dilo tšeo di ba tshwenyago.

Ge Hlatse yeo e bego e hlokometše ntlwana ya go bontšha dipuku e be e boledišana le batho, e ile ya hwetša gore batho ba bantši bao ba bego ba tlile pontšhong yeo ga se ba ka ba kwa ka Wepesaete ya jw.org pele go ka ba le pontšho ye ya dipuku. Moeng yo mongwe le yo mongwe o ile a tšea karata ya boitsebišo goba pampišana ya Re ka Hwetša Kae Dikarabo tša Dipotšišo tša Bohlokwa Bophelong? Batho ba bantši ba ile ba re ba tla etela Wepesaete ye gomme ba bangwe ba ile ba kgopela Dihlatse tša Jehofa go ba etela magaeng a bona.

Labohlano la beke yeo e be e le letšatši la bana pontšhong ye ya dipuku, ka baka leo Dihlatse di ile tša bapala dibidio tša dipopaye tša jw.org. Dihlopha tša bana ba sekolo tšeo di bego di sepela le barutiši di be di ema go bogela dibidio tšeo.

Monna wa go tšwa Chicago yo a šomago femeng ya go gatiša Dibeibele o ile a kgahlišwa ke go kgwahla ga Phetolelo ya Lefase le Lefsa ya Mangwalo a Makgethwa. Ka ge a be nyaka go ikgokaganya le bagatiši ba yona o ile a newa karata ya boitsebišo.

Go maleme a fetago 700 ao a hwetšagalago Wepesaeteng ya rena, baeng ba ile ba etela Wepesaeteng ba diriša maleme a 16—Seamharic, Sebengali, se-China, Seisemane, Sefora, Segerika, Segujarati, Sehindi, Sekorea, Sepotokisi, Sepanishi, Sesweden, Setamil, Setigrinya, se-Urdu le se-Vietnam.

Hlatse yeo e bego e amogela baeng ntlwaneng ya go bontšha dipuku e ile ya lemoga gore go na le phapano e kgolo magareng ga go botša batho ka Wepesaete le go ba bontšha yona. E boletše gore: “Re bile le sebaka se sebotse kudu sa go bontšha batho Wepesaete ya rena.”

Ithute ka mo go oketšegilego

Ke Eng Seo se ka Hwetšwago Wepesaeteng ya Rena?

O ka ithuta mo go oketšegilego ka rena le ka ditumelo tša rena gotee le go hwetša dikarabo tša dipotšišo tša gago tša mabapi le Beibele.

Diriša Wepesaete ka Leleme le Lengwe

Ithute kamoo o ka fetolago leleme leo Wepesaete e tšwelelago ka lona, o ka balago dipuku ka leleme le lengwe goba o ka hwetšago dipuku le tše dingwe ka leleme le lengwe.