Eya go dikagare

Eya go menyu wa bobedi

Dihlatse tša Jehofa

Sepedi

Meago Yeo e ka Etelwago ke Bohle

Meago Yeo e ka Etelwago ke Bohle

Lefaseng ka bophara Dihlatse tša Jehofa di na le makala a go gatiša a 15. Le lengwe la ona e lego lekala la Bogareng bja Yuropa le kua Selters, Jeremane lefelong leo le bitšwago Steinfels, leo ka Sejeremane le bolelago “Stone Rock.”

Ka May 23-25, 2014, lekala le la Bogareng bja Yuropa le ile la laletša baagišani, borakgwebo le balaodi ba mmušo ba moo go tlo iponela meago ye. Moletlo wo o be o na le sehlogo seo se rego: “Mengwaga e 30 re le Selters” ka ge meago ye ya lekala e ile ya kgakolwa semmušo ka April 21, 1984.

Baeng ba fetago 3 000 ba be ba tlile go bona ka ntle le ka gare ga meago ye. Meyara yo a šomilego mmušong ka mengwaga e 30 o boletše gore: “Go etela lekala la Dihlatse tša Jehofa e dula e le selo seo se kgethegilego,” o okeditše ka gore: “ke kgahlwa kudu ke kamoo ofisi ya lekala ya Steinfels e agilwego ka lebelo ka gona go tloga ka 1979 go ya go 1984.”

Seo se Kgahlilego Baeng Kudu

Pontšho e nngwe e be e ena le sehlogo seo se rego: “Batho ba Modimo Kua Bogareng bja Yuropa.” Baeng ba ile ba ithuta ka histori ya mengwaga e 120 ya Dihlatse tša Jehofa tša seleteng se. Ga bjale pontšho ye ya histori e tla dula e bontšhwa ofising ya lekala.

Pontšho e nngwe e be e le ya Dibeibele tšeo di sa tsebegego le tšeo di tsebegago. Ka mohlala e be e na le tokollo ya kgale yeo e feletšego ya Beibele ya Sejeremane ya 1534 le karolo ya Beibele ya Elias Hutter’s Polyglot ya 1599, yeo e nago le ditemana ka maleme a 12. E bontšha gape le di tšhate le dibidio tše dikopana tšeo di bontšhago bohlokwa bja go diriša melao ya motheo ya Beibele mehleng yeno.

Dipontšhong tše dingwe tše pedi tšeo o ka iponelago tšona ntle le go hlahlwa, baeng ba ile ba ithuta ka bophelo bja letšatši le letšatši bja banna le basadi ba fetago 1 000 bao ba dulago le go šoma lekaleng. Pontšhong ya pele e nago le sehlogo seo se rego: “Kamoo re Phelago ka Gona,” baeng ba ile ba bona diphapoši tšeo bao ba šomago ofising ya lekala ba dulago go tšona. Ba ile ba ja phapošing ya go jela le go sepela meagong ya go kgahliša yeo e kego ke serapa. Moeng yo mongwe o boletše gore: “Lefelo le ke le lebotse kudu.”

Pontšho ya bobedi ya sehlogo seo se rego: “Go Tšweletšwa ga Dipuku” e bontšha lefelo la bogatišetšo, kamoo go dirwago dipuku gotee le Lefapha la Thomelo. Baeng ba ile ba iponela ka mahlo kamoo dipuku le dipukwana tšeo di theilwego Beibeleng di gatišwago ka gona, di dirwago ka gona le go romelwa dinageng tše fetago 50. Monna yo mongwe o boletše gore: “Ga se nke ka nagana gore Dihlatse tša Jehofa ke mokgatlo wa lefase ka bophara. Dipuku le dipukwana tša bona di ya dikarolong ka moka tša lefase. Gore tše ka moka di dirwa ke baithaopi ruri ke mohlolo!”

Baeng ba tlwaelana le jw.org

Seo se kgahlilego baeng ba kudu ke moo go bego go bontšhwa jw.org e lego Wepesaete ya semmušo ya Dihlatse tša Jehofa. Baeng ka moka ba bagolo le ba banyenyane ba ile ba bontšhwa Wepesaete ye ke moka ba bogela dibidio le go arabelwa dipotšišo tšeo ba bego ba na le tšona.

Ka ge ga bjale ba tsebile seo se akaretšwago modirong wa lefase ka bophara wa Dihlatse tša Jehofa, baeng ba ile ba fetša leeto la bona ba kgahlilwe le go rata seo ba se bonego e bile ba myemyela. Monna yo mongwe o boletše gore: “Ke be ke e na le dipono tše fošagetšego ka Dihlatse. Ruri ke swanetše go fetola dipono tša ka. Mosadi yo mongwe o boletše leboelela gore: “Letšatši le le tloga le fedišitše kgethollo.”

^ par. 17 Dipalopalo tša 2014

^ par. 21 Dipalopalo tša 2014

^ par. 24 Dipalopalo tša 2014

Ithute ka mo go oketšegilego

KE BOMANG BAO BA DIRAGO THATO YA JEHOFA LEHONO?

Bethele ke Eng?

Bethele ke lefelo la moswananoši leo go lona go dirwago modiro wa bohlokwa kudu. Ithute ka bao ba šomago moo.

KE BOMANG BAO BA DIRAGO THATO YA JEHOFA LEHONO?

Go Dirwa Eng Ofising ya Lekala ya Dihlatse tša Jehofa?

Batho ka moka ba amogelegile go tlo boga diofisi tša rena tša makala. Re go kgothaletša go dira seo!