Dipeakanyo tša go bula

Kgetha leleme

Eya go menyu wa bobedi

Eya go dikagare

Dihlatse tša Jehofa

Sepedi

Na Dihlatse Tša Jehofa di Dumela Gore Lefase le Bopilwe ka Matšatši a Tshelelago a Diiri Tše 24?

Na Dihlatse Tša Jehofa di Dumela Gore Lefase le Bopilwe ka Matšatši a Tshelelago a Diiri Tše 24?

Aowa. Dihlatse tša Jehofa di dumela gore Modimo o bopile dilo ka moka. Eupša ga di dumelelane le dilo ka moka tšeo batho bao ba dumelago thutong ye ba di bolelago. Lebaka? Ka baka la gore dikgopolo tše dintši tša thuto ye di ganetšana le Beibele. Ela hloko mehlala e mebedi e latelago:

  1. Botelele bja matšatši a tshelelago a tlholo. Batho bao ba dumelago thutong ye ba bolela gore matšatši a tshelelago a tlholo a be a na le diiri tše 24. Eupša lentšu “letšatši” ka Beibeleng le ka bolela ka nako e telele.—Genesi 2:4; Psalme 90:4.

  2. Nako yeo lefase le bilego gona ka yona. Batho ba bangwe bao ba dumelago thutong ye ba ruta gore lefase le na le nywaga e sego kae e dikete le le gona. Lega go le bjalo, go ya ka Beibele, lefase le legohle di bile gona pele ga matšatši a tshelelago a tlholo. (Genesi 1:1) Ka baka leo, Dihlatse tša Jehofa ga di ganetšane le nyakišišo ya borathutamahlale bao ba bolelago gore lefase le na le nywaga e dibilione le le gona.

Gaešita le ge rena Dihlatse tša Jehofa re dumela tlholong, ga re ganetšane le thutamahlale. Re dumela gore thutamahlale le Beibele di a dumelelana.

 

Ithute ka mo go oketšegilego

Beibele—Puku e Tšwago go Modimo

Beibele e ka go thuša bjang gore o lebeletšane le mathata a motho ka noši? Ke ka baka la’ng o swanetše go bota diporofeto tša yona?

Ke Eng Seo Beibele e se Bolelago Mabapi le Tlholo?

Beibele e hlalosa “matšatši” a tshelelago ao ka ona Modimo a bopilego dilo tše di phelago. Na a e be e le matšatši a diiri tše 24?

Na Thutamahlale e Dumelelana le Beibele?

Na go na le moo Beibele e fošitšego gona ditabeng tša thutamahlale?