Dipeakanyo tša go bula

Kgetha leleme

Eya go menyu wa bobedi

Eya go dikagare

Dihlatse tša Jehofa

Sepedi

Na Motho a ka Kgetha go Tlogela go ba yo Mongwe wa Dihlatse tša Jehofa?

Na Motho a ka Kgetha go Tlogela go ba yo Mongwe wa Dihlatse tša Jehofa?

Ee. Motho a ka kgetha go se sa ba setho sa mokgatlo wa rena ka ditsela tše di latelago tše pedi:

  • A ka kgopela. Motho a ka bolela goba a ka ngwala lengwalo leo le hlalosago phetho ya gagwe ya gore ga a sa nyaka go ba yo mongwe wa Dihlatse tša Jehofa.

  • Ka ditiro. Motho a ka dira selo se itšego seo se bontšhago gore ga a sa nyaka go ba yo mongwe wa Dihlatse tša Jehofa. (1 Petro 5:9) Ka mohlala, a ka ba setho sa bodumedi bjo bongwe gomme a bolela gore ga a nyake go tlogela bodumedi bjoo.1 Johane 2:19.

Le dira’ng ge e ba motho a se sa botša ba bangwe ditaba tše dibotse goba a se sa tla dibokeng tša lena? Na le lebelela motho yoo e sa le Hlatse ya Jehofa?

Ee. Go tlogela go ba yo mongwe wa Dihlatse, goba go ikarola, go fapana le go fokola tumelong. Gantši batho bao ka nakwana ba gogago maoto goba ba se sa hlankelago Modimo ga se gore ga ba sa na tumelo, eupša ba no ba ba fedile matla. Go e na le gore re ba hlokomologe, re leka go ba kgothatša le go ba thekga. (1 Bathesalonika 5:14; Juda 22) Ge e ba motho yoo a nyaka thušo, bagolo ba phuthego ba etelela pele go mo thuša gore a lokiše tswalano ya gagwe le Modimo.Bagalatia 6:1; 1 Petro 5:1-3.

Lega go le bjalo, bagolo ga ba na tshwanelo ya go gapeletša motho gore a dule e le yo mongwe wa Dihlatse tša Jehofa. Motho yo mongwe le yo mongwe o ikgethela bodumedi. (Joshua 24:15) Re dumela gore bao ba hlankelago Modimo ba swanetše go dira seo ka go rata le ka go tšwa pelong.Psalme 110:3; Mateo 22:37.

Ithute ka mo go oketšegilego

Na Dihlatse tša Jehofa di Phema Batho Bao e Kilego ya ba Ditho tša Tšona?

Ka dinako tše dingwe go kgaola go a nyakega e bile go ka thuša motho gore a boele ka phuthegong.

Dihlatse tša Jehofa ke Batho ba Mohuta Mang?

O tseba Dihlatse tša Jehofa tše kae? O tseba’ng ka rena?

Na Dihlatse tša Jehofa di Thuba Malapa Goba di a a Aga

Dihlatse tša Jehofa ka dinako tše dingwe di latofatšwa ka gore di thuba malapa. Na ruri Dihlatse di baka diphapano?