Eya go dikagare

Eya go menyu wa bobedi

Dihlatse tša Jehofa

Sepedi

Sehlopha se Bušago sa Dihlatse tša Jehofa ke Eng?

Sehlopha se Bušago sa Dihlatse tša Jehofa ke Eng?

Sehlopha se Bušago ke sehlopha se senyenyane sa Bakriste ba godilego ka tsebo seo se hlahlago Dihlatse tša Jehofa lefaseng ka moka. Mešomo ya bona e mebedi e bohlokwa e akaretša:

Sehlopha se Bušago se latela tsela yeo e bego e dirišwa ke “baapostola le bagolo Jerusalema” lekgolong la pele, bao ba bego ba dira diphetho tše bohlokwa legatong la phuthego ya Bokriste. (Ditiro 15:2) Go swana le banna ba ba botegago, ditho tša Sehlopha se Bušago ga se baetapele ba mokgatlo wa rena. Ba latela tlhahlo ya Beibele le go tseba gore Jehofa Modimo o kgethile Jesu Kriste go ba Hlogo ya phuthego.—1 Bakorinthe 11:3; Baefeso 5:23.

Ditho tša Sehlopha se Bušago ke bomang?

Ga bjale ditho tša Sehlopha se Bušago ke Samuel Herd, Geoffrey Jackson, Stephen Lett, Gerrit Lösch, Anthony Morris III, Mark Sanderson le David Splane. Ba hlankela ntlongkgolo ya rena ya lefase ka bophara Brooklyn, New York, U.S.A.

Sehlopha se Bušago se rulagantšwe bjang?

Sehlopha se Bušago se hlomile dikomiti tše tshela tša go okamela mediro ya rena e fapafapanego, gomme setho se sengwe le se sengwe se hlankela komiting e tee goba go feta moo.

  • Komiti ya Molomaganyi: E hlokomela ditaba tša molao le go thuša ge go ena le dikotsi, go thuša ditabeng tša ge Dihlatse di tlaišwa ka baka la tumelo ya tšona le go rarolla ditaba tše dingwe tše di lego bohlokwa tša Dihlatse tša Jehofa.

  • Komiti ya Bašomi: E hlokomela dithulaganyo tšeo di dirwago bakeng sa ditho tša lapa la Bethele.

  • Komiti ya Kgatišo: E hlokomela go tšweletšwa le go romelwa ga dipuku le dipukwana tša Beibele, go agwa ga mafelo a borapedi, diofisi tša bofetoledi le diofisi tša makala.

  • Komiti ya Tirelo: E hlokomela modiro wa rena wa go bolela “Ditaba tše tše dibotse tša Mmušo.”—Mateo 24:14.

  • Komiti ya go Ruta: E hlahla le go lokišetša mananeo a go ithuta Beibele ao re a hwetšago dibokeng, dikolong, mananeong ao a theetšwago le dibidiong.

  • Komiti ya Bongwadi: E hlahla le go lokišetša mananeo a go ithuta Beibele ao a gatišwago le ao a hwetšwago Wepesaeteng ya rena, gape komiti ye e hlokomela le modiro wa bofetoledi.

Godimo ga mediro yeo Sehlopha se Bušago se e dirago ka dikomiti tše, se kopana beke le beke go boledišana ka dinyakwa tša mokgatlo. Dibokeng tše, ditho tše di ahlaahla seo Mangwalo a se bolelago gomme di dumelela moya o mokgethwa wa Modimo gore o di hlahle ge di katanela go dumelelana ka phetho e tee.—Ditiro 15:25.

Bathuši ba Sehlopha se Bušago ke bomang?

Ke Bakriste ba botegago bao ba thušago dikomiting tša Sehlopha se Bušago. (1 Bakorinthe 4:2) Ba na le bokgoni le phihlelo modirong wo o hlokometšwego ke dikomiti tšeo ba šomago go tšona ebile ba ba gona dibokeng tšeo di swarwago beke le beke tša dikomiti tše. Le ge ba sa tšee karolo ge go dirwa diphetho, bathuši ba nea keletšo yeo e tšeelwago godimo le tsebišo yeo e nyakegago, ba diriša seo dikomiti di dumelelanego ka sona le go bona tšwelopele ya seo di phethilego ka sona. Sehlopha se Bušago se ka ba abela go etela bana babo rena dikarolong tše fapanego tša lefase goba go nea dipolelo ditiragalong tša go swana le diboka tša ngwaga le ngwaga goba meletlong ya go aloga sekolong sa Gilead.

MAINA A BATHUŠI

Komiti

Leina

Molomaganyi

  • Ekrann, John

  • Wallen, Robert

 

Bašomi

  • Grizzle, Gerald

  • LaFranca, Patrick

  • Molchan, Daniel

  • Walls, Ralph

 

Kgatišo

  • Adams, Don

  • Butler, Robert

  • Corkern, Harold

  • Gordon, Donald

  • Luccioni, Robert

  • Reinmueller, Alex

  • Sinclair, David

 

Tirelo

  • Breaux, Gary

  • Dellinger, Joel

  • Hyatt, Seth

  • Mavor, Christopher

  • Perla, Baltasar, Jr.

  • Turner, William, Jr.

  • Wallen, Robert

  • Weaver, Leon, Jr.

 

Ruta

  • Curzan, Ronald

  • Flodin, Kenneth

  • Malenfant, William

  • Noumair, Mark

  • Schafer, David

 

Bongwaledi

  • Ciranko, Robert

  • Mantz, James

  • Marais, Izak

  • Smalley, Gene

  • Wischuk, John

 

Ithute ka mo go oketšegilego

DITABA TŠE DIBOTSE TŠE DI TŠWAGO GO MODIMO!

Ke ka Baka la Eng Modimo a Ena le Mokgatlo?

Beibele e re botša lebaka le kamoo Bakriste ba therešo ba rulagantšwego

KE BOMANG BAO BA DIRAGO THATO YA JEHOFA LEHONO?

Sehlopha se Bušago sa Dihlatse tša Jehofa se Šoma Bjang Lehono?

Lekgolong la pele la nywaga, sehlopha se senyenyane sa bagolo le baapostola se be se hlankela e le sehlopha se bušago sa phuthego ya Bakriste. Go thwe’ng ka lehono?

DIPOTŠIŠO TŠEO DI BOTŠIŠWAGO KUDU

Na Dihlatse tša Jehofa di na le Baruti Bao ba Lefšago?

Na le arogantšwe ka gore ba bangwe ke baruti gomme ba bangwe ke batho feela? Ke bomang e lego badiredi bao ba ineetšego?