Dipeakanyo tša go bula

Kgetha leleme

Eya go menyu wa bobedi

Eya go dikagare

Dihlatse tša Jehofa

Sepedi

Na Dihlatse tša Jehofa di Dira Modiro wa Ntlo le Ntlo Gore di tle di Phološwe?

Na Dihlatse tša Jehofa di Dira Modiro wa Ntlo le Ntlo Gore di tle di Phološwe?

Aowa. Re ya ka ntlo le ntlo ka mehla, eupša ga re dumele gore seo ke sona se tlago go re phološa. (Baefeso 2:8) Ka baka la’ng?

Nagana ka mohlala wo: Akanya monna yo botho a botša motho yo mongwe le yo mongwe gore o tla mo nea mpho ya go tura ge a ka fihla lefelong le itšego ka letšatši le itšego. Ge e ba ruri o bota kholofetšo ya monna yoo, na o tla latela ditaelo tša gagwe? Ga go pelaelo gore o tla dira bjalo! Mohlomongwe o tla ba wa botša bagwera le ba leloko ka taba yeo, e le gore le bona ba tle ba holege. Eupša go latela ditaelo tša monna yoo, ga se gona go dirago gore o hwetše mpho yeo. O tla e hwetša ka gobane monna yoo a nyaka go go fa yona.

Ka mo go swanago, Dihlatse tša Jehofa di bota kholofetšo ya Modimo ya gore o tla nea bohle bao ba mo kwago bophelo bjo bo sa felego. (Baroma 6:23) Re dira sohle seo re ka se kgonago gore re botše ba bangwe seo re se dumelago, re holofetše gore le bona ba tla holwa ke kholofetšo yeo ya Modimo. Eupša ga re dumele gore re tlo phološwa ka ge re tšea karolo modirong wa boboledi. (Baroma 1:17; 3:28) Ge e le gabotse, ga go seo motho a ka se dirago gore a hwetše tšhegofatšo yeo e tšwago go Modimo. “Ga re phološwe ka baka la mediro ya rena, eupša Modimo o re phološa ka baka la kgaugelo ya gagwe.”—Tito 3:5., Contemporary English Version.