Dipeakanyo tša go bula

Kgetha leleme

Eya go menyu wa bobedi

Eya go dikagare

Dihlatse tša Jehofa

Sepedi

Na Dihlatse tša Jehofa ke Sehlotswana sa Bodumedi?

Na Dihlatse tša Jehofa ke Sehlotswana sa Bodumedi?

Aowa, Dihlatse tša Jehofa ga se sehlotswana sa bodumedi. Go e na le moo, re Bakriste bao ba katanelago go latela mohlala wa Jesu Kriste le go phela ka go dumelelana le dithuto tša gagwe.

Sehlotswana sa bodumedi ke eng?

Batho ba kwešiša lentšu “sehlotswana” goba cult ka ditsela tša go se swane. Lega go le bjalo, ela hloko dilo tše pedi tšeo go naganwago kudu ka tšona ka dihlotswana tša bodumedi le lebaka leo dilo tšeo di sa šomego go rena.

  • Ba bangwe ba bona eka sehlotswana sa bodumedi ke bodumedi bjo bofsa goba bjoo bo sa tlwaelegago. Dihlatse tša Jehofa ga se tša hlama bodumedi bjo bofsa. Go e na le moo, borapedi bja rena bo swana le bja Bakriste ba lekgolong la pele la nywaga, bao mehlala le dithuto tša bona di ngwadilwego ka Beibeleng. (2 Timotheo 3:16, 17) Re dumela gore Mangwalo a Makgethwa ke ona a swanetšego go laola borapedi bjoo batho ba rego bo tlwaelegile.

  • Bangwe ba lebelela sehlotswana sa bodumedi e le bodumedi bjo kotsi bjoo bo nago le motho yo a bo etilego pele. Dihlatse tša Jehofa ga di dumele gore motho e swanetše go ba moetapele wa tšona. Go e na le moo, re kgomarela mokgwa woo Jesu a o beetšego balatedi ba gagwe ge a be a re: “Moetapele wa lena ke o tee, Kriste.”—Mateo 23:10.

Go e na le gore Dihlatse tša Jehofa e be sehlotswana sa bodumedi, bodumedi bja tšona bo hola ditho tša bjona le bohle setšhabeng. Ka mohlala, bodiredi bja rena bo thušitše batho ba bantši go kgaotša go dira dilo tše kotsi, tše bjalo ka go diriša dihlaretagi le bjala gampe. Go oketša moo, re na le diklase tša go ithuta lefaseng ka bophara go thuša batho ba dikete go ithuta go bala le go ngwala. E bile re thuša batho ge ba hlagetšwe ke dikotsi. Re šoma ka thata gore re thuše ba bangwe, go etša ge Jesu a laetše balatedi ba gagwe gore ba dire bjalo.—Mateo 5:13-16.

 

Ithute ka mo go oketšegilego

O ka Lemoga Borapedi bja Therešo Bjang?

Na go na le bodumedi bjo tee feela bja therešo? Ela hloko maswao a mahlano ao a bontšhago borapedi bja therešo.