Eya go dikagare

Eya go menyu wa bobedi

Dihlatse tša Jehofa

Sepedi

Na Dihlatse tša Jehofa ke Maprotestanta?

Na Dihlatse tša Jehofa ke Maprotestanta?

Aowa. Dihlatse tša Jehofa ke Bakriste, ka gona ga re ipitše Maprotestanta. Ka baka la’ng?

Boprotestanta bo hlaloswa e le “bodumedi bjo bo lwantšhanago le Roma Katholika.” Le ge e le therešo gore Dihlatse tša Jehofa ga di dumelelane le dithuto tša Kereke ya Katholika, ga re ipitše Maprotestanta ka mabaka a latelago:

  1. Ditumelo tše dintši tša Maprotestanta ga di dumelelane le seo ge e le gabotse Beibele e se rutago. Ka mohlala, Beibele e ruta gore “go na le Modimo o tee,” e sego Borarobotee. (1 Timotheo 2:5; Johane 14:28) Le gona, e tloga e ruta gabotse gore Modimo o otla batho ba kgopo ka go ba fediša ka mo go sa felego e sego ka go ba tšhuma mollong wa dihele.—Psalme 37:9; 2 Bathesalonika 1:9.

  2. Ga re lwantšhane goba go leka go bopa lefsa Kereke ya Katholika goba sehlopha le ge e le sefe sa bodumedi. Go fapana le moo, re fo ba re ipolelela ditaba tše dibotse tša Mmušo wa Modimo, re katanela go thuša batho ba bangwe go dumela ditabeng tše tše dibotse. (Mateo 24:14; 28:19, 20) Re kgahlegela go ruta batho ba dipelo tše dibotse therešo ka Modimo le Lentšu la gagwe Beibele, e sego go leka go bopa lefsa sehlopha le ge e le sefe sa Bodumedi.—Bakolose 1:9, 10; 2 Timotheo 2:24, 25.

Ithute ka mo go oketšegilego

KE BOMANG BAO BA DIRAGO THATO YA JEHOFA LEHONO?

Dihlatse tša Jehofa ke Batho ba Mohuta Mang?

O tseba Dihlatse tša Jehofa tše kae? O tseba’ng ka rena?