Ee. Gohle moo re lego gona, bjalo ka Dihlatse tša Jehofa re leka go ruta batho bao re kopanago le bona ka tumelo ya rena.—Mateo 28:19, 20.

Go oketša moo, Dihlatse tše dingwe di etela goba go hudugela mafelong ao a lego dinageng tša gabo tšona moo batho ba bantši ba swanetšego go kwa ditaba tše dibotse tše di tšwago ka Beibeleng. Dihlatse tše dingwe di hudugela dinageng di šele e le gore di katološe bodiredi bja tšona. Di thabela go tšea karolo go phethagatšeng boporofeta bja Jesu bjo bo rego: “Le tla ba dihlatse tša ka ... go fihla karolong ya kgole ya lefase.”—Ditiro 1:8.

Ka ngwaga wa 1943, re ile ra thea sekolo seo se bego se hlahla ka mo go kgethegilego bao ba hudugelago dinageng tše dingwe gore ba rute ka Beibele. Ga e sale go tloga ka nako yeo, Dihlatse tše di fetago tše 8 000 di bile gona sekolong se, seo se tsebjago e le Sekolo sa Beibele sa Watchtower sa Gilead.