Eya go dikagare

Eya go menyu wa bobedi

Dihlatse tša Jehofa

Sepedi

Modiro wa Dihlatse tša Jehofa o Thekgwa Bjang ka tša Ditšhelete?

Modiro wa Dihlatse tša Jehofa o Thekgwa Bjang ka tša Ditšhelete?

Modiro wa rena wa boboledi o thekgwa kudu ka ditšhelete ke meneelo ya boithatelo yeo e tšwago go Dihlatse tša Jehofa. Dibokeng tša rena ga go ntšhiwe dikoleke, le gona ga se gwa letelwa gore ditho tša phuthego di ntšhe karolo ya lesome. (Mateo 10:7, 8) Go e na le moo, mafelong a rena a diboka go na le mapokisi a meneelo e le gore ge e ba motho a kganyoga go neela a ka dira bjalo. Ga go bolelwe maina a bao ba ntšhago meneelo.

Lebaka le lengwe la gore re kgone go hlokomela ditšhelete tša rena gabotse ke gore ga re na baruti bao ba lefšago. Go oketša moo, Dihlatse ga di lefše gore di ye ka ntlo le ntlo le gona mafelo a rena a borapedi ga se a mabaibai.

Meneelo le ge e le efe yeo e romelwago diofising tša makala a Dihlatse tša Jehofa e dirišetšwa go thuša bao ba wetšwego ke dikotsi tša tlhago, go hlokomela baromiwa ba rena le badiredi ba basepedi, go thuša go aga mafelo a rena a borapedi dinageng tšeo di diilago le go gatiša Dibeibele le dikgatišo tše dingwe tša Bokriste gotee le go di romela mafelong a mangwe.

Motho yo mongwe le yo mongwe o dira phetho ya ge e ba a nyaka go ntšha moneelo wa go lefelela ditshenyagalelo tša lefelong la gabo, tša modiro wa rena wa lefaseng ka bophara goba ka bobedi. Ka mehla phuthego e nngwe le e nngwe e nea ditho tša yona pego ya ditšhelete.

Ithute ka mo go oketšegilego

MOROKAMI—KGATIŠO E ITHUTWAGO

“Modiro ke o Mogolo”

O na le tokelo ya go o thekga.

DIPOTŠIŠO TŠEO DI BOTŠIŠWAGO KUDU

Bidio e Kopana: Kamoo Dihlatse tša Jehofa di Thekgago Modiro wa Tšona ka tša Ditšhelete

Bona kamoo modiro wa rena o thekgwago ka tša ditšhelete le kamoo go ntšhwago meneelo lefaseng ka bophara.