Eya go dikagare

Eya go menyu wa bobedi

Dihlatse tša Jehofa

Sepedi

Ke ka Baka La’ng Dihlatse tša Jehofa di sa ye Ntweng?

Ke ka Baka La’ng Dihlatse tša Jehofa di sa ye Ntweng?

Dihlatse tša Jehofa ga di ye ntweng ka mabaka a latelago:

  1. Di kwa Modimo. Beibele e re bahlanka ba Modimo “ba tla rula ditšhoša tša bona ba di dira megoma” gomme ba se sa ‘hlwa ba ithuta ntwa.’—Jesaya 2:4.

  2. Di kwa Jesu. Jesu o ile a botša moapostola Petro gore: “Bušetša tšhoša ya gago lefelong la yona, gobane bohle bao ba dirišago tšhoša ba tla bolawa ka tšhoša.” (Mateo 26:52) Ka go re’alo, Jesu o bontšhitše gore balatedi ba gagwe ba ka se sware dibetša tša ntwa.

    Barutiwa ba Jesu ba kwa taelo ya gagwe ya gore ba se ke ba ba “karolo ya lefase” ka go se tsenele ditaba tša dipolotiki. (Johane 17:16) Ga ba ganetšane le mediro ya mašole goba go tshwenyana le bao ba kgethago go tsenela bošole.

  3. Di rata ba bangwe. Jesu o laetše barutiwa ba gagwe gore ba “ratane.” (Johane 13:34, 35) Ka go re’alo ba be ba tla ba karolo ya borwarre bja lefase ka bophara moo go bego go ka se be le setho seo se tlago go lwa le ngwanabo sona goba kgaetšedi.—1 Johane 3:10-12.

  4. Di latela mohlala wa Bakriste ba mehleng ya pele. Encyclopedia of Religion and War e re: “Balatedi ba pelepele ba Jesu ba be ba gana ntwa le tirelo ya tša bohlabani,” ba bona se e le mekgwa yeo e “sa sepedišanego le thuto ya lerato ya Jesu gotee le taelo ya gore motho a rate manaba a gagwe.” Ka mo go swanago, rathutatumelo wa Mojeremane e lego Peter Meinhold o boletše ka barutiwa bao ba Jesu gore: “Go ba Mokriste le lešole go be go lebelelwa e le dilo tše pedi tšeo di sa sepedišanego.”

Go thekga setšhaba

Dihlatse tša Jehofa ke ditho tša setšhaba tšeo di nago le mohola gomme ga se badudi ba kotsi ba naga yeo ba lego go yona. Re hlompha balaodi ba mmušo ka go dumelelana le ditaelo tše tša Beibele:

  • “Ikokobeletše balaodi ba bagolo.”—Baroma 13:1.

  • “Ka baka leo, neang Kesara tša Kesara eupša Modimo le mo nee tša Modimo.”—Mateo 22:21.

Ka gona, re kwa melao, re lefa makgetho le go dirišana le maiteko a babuši ba naga ge ba leka go hlokomela setšhaba.

 

Ithute ka mo go oketšegilego

MOROKAMI

Kgoro ya Tsheko ya Yuropa e Thekga go Gana go Tsenela tša Bohlabani ka Baka la Letswalo

Bala mabapi le phetho ye e bohlokwahlokwa yeo ga bjale e diretšwego dinaga ka moka tša Yuropa.